हिमपातका कारण पूर्वी चीनमा जनजीवन प्रभावित

२६ मङ्सिर २०८०, मङ्गलबार ०४:२८

Read Time = 1 min

प्रिन्ट संस्करण

विदेश

A A- A+

जिनान । सोमबार बिहानैदेखि सुरु भएको हिमपातका कारण पूर्वी चीनको शानडोङ प्रान्तको राजधानी जिनानमा प्राथमिक र माध्यमिक विद्यालयका साथै शिशु कक्षाहरू अनलाइन माध्यमबाट सञ्चालन गरिएका छन् ।

सोमबार एक्कासि जिनानमा हिउँपात र हावाहुरी सुरु भई बिहान ३ बजेदेखि १० बजेसम्म सात मिलिमिटर हिमपात भएको थियो । हिमपातसँगै नियमित जनजीवन प्रभावित भएको छ ।

जिनानको शिक्षा विभागले सोमबार अनलाइन कक्षा सञ्चालन गर्न निर्देशन जारी गर्दै विद्यालयको पठनपाठन अवरुद्ध हुन नहुने प्रतिबद्धता जनाएको छ । मंगलबार विद्यार्थीलाई सुरक्षित पठनपाठनका लागि शिक्षकलाई तालिम दिँदै विद्यालयको खेल मैदानमा हिउँ हटाउन समन्वय गरिरहेका छन् । रासस/सिन्हृवा ।

जनजीवन

हिमपात

पूर्वी चीन

यो खबर पढेर तपाईलाई कस्तो महसुस भयो ?