काठमाडौं । २०१७ साल पुस १ गतेको सेरोफेरोमा लेखिएको पुस्तक ‘कालो दिन सेता अक्षर’ सार्वजनिक भएको छ । उच्च अदालतका पूर्वन्यायाधीश शेषराज शिवाकोटीको सम्पादनमा ज्ञानगुन प्रकाशनबाट उक्त पुस्तक सार्वजनिक भएको हो । पुस्तकमा एकै दिन भएको घटनालाई विभिन्न व्यक्तिको फरक-फरक दृष्टिकोणबाट प्रस्तुत गरिएको छ ।
उक्त संक्षिप्त लेख संग्रहमा संग्रहित लेखका १२ जना लेखकहरूमा बीपी कोइरालाको नेतृत्वको २०१६ सालको जननिर्वाचित सरकारका तत्कालीन मन्त्री मीनबहादुर गुरुङ, वरिष्ठ इतिहासविद् ज्ञानमणि नेपाल, सुपरिचित लेखक दमनराज तुलाधर, कुमारमणि आचार्य दीक्षित, गभर्नर हिमालय शमशेर राणा, प्रसिद्ध गीतकार तथा ओजस्वी कवि रत्न शमशेर थापा, उत्तमनारायण श्रेष्ठ, कमल राणा, वसन्त लोहनी, ओमकारप्रसाद श्रेष्ठ, शेषकान्त पण्डित र हरिबहादुर थापा हुनुहुन्छ ।
नेपालको राजनीतिक विकासक्रमको सहज गतिलाई अवरुद्ध गर्ने २०१७ पुस १ गतेको कदमका प्रत्यक्ष भुक्तभोगीको वर्णन नेपालको आधुनिक इतिहासको अनुसन्धानका लागि र नयाँ पुस्ताका पाठकलाई केही उपयोगी, पठनीय र रुचिकर हुने देखिन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच