काठमाडौं । मुक्तिनाथ दर्शन साहित्य समाज नेपाल, काठमाडौंको अध्यक्षमा साहित्यकार कलानिधि दाहाल चयन हुनुभएको छ । समाजको नवपुस्तकालय सुकेधारामा बसेको तेस्रो साधारण सभाले दाहालको अध्यक्षमा नयाँ कार्यसमिति चयन गरेको हो ।
समाजको संरक्षकद्वयमा वरिष्ठ युरोलोजिष्ट तथा कवि प्राडा.अर्जुनदेव भट्ट र पूर्वक्याम्पस प्रमुख तथा साहित्यकार बिष्णुप्रसाद पन्त रहनुभएको छ । संस्थाका संस्थाप अध्यक्ष, अध्यात्म चिन्तक तथा कवि हरिभक्त सिग्देलको आहृवान/आयोजनमा बसेको बैठकले नयाँ कार्य समितिको चयन गरेको हो । नयाँ कार्य समितिको उपाध्यक्षमा रामचन्द्र घिमिरे, सचिवमा कल्पना दाहाल बराल र कोषाध्यक्षमा सुचिता काफ्लेलाई चयन गरिएको छ ।
यस्तै, सदस्यहरूमा पार्वती अधिकारी, श्रवणकुमार मल्ल ठकुरी, मेनुका दंगाल, महेश रिजाल, शशिभक्त सिग्देल, प्रार्थना खनाल र भागीरथी भट्टराई ज्ञवालीलाई चयन गरिएको छ ।
समितिले आगामी माघ २७ गते हुने स्रष्टा सम्मान तथा पुरस्कार कार्यक्रम गर्दैछ । सो समारोहमा सममानित तथा पुरस्कृत हुनुहुने व्यक्तित्वहरूमा डा.घनश्याम परिश्रमी, गान्धीराज काफ्ले, सुनिल अधिकारी, तिलकप्रसाद लुइँटेल, राजन सिल्वाल, विनोद दाहाल ‘वत्स’, ममता मृदुल, अम्बिका भण्डारी, गिरिराज डल्लाकोटी, चक्षु भट्टराई, देवी पन्थी, दुर्गा अधिकारी भँमरकोटे, नेपाल वेदविद्याश्रम वनकाली, देवराज उपाध्याय, चन्द्रप्रसाद न्यौपाने, विजयध्वज थापा, बाजुराम पौडेल र मदन नेपाल रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच