काठमाडौं । कर्मचारी सञ्चय कोषमा रकम जम्मा गर्ने सञ्चयकर्ताको मुख्य लगानी रहने गरी निर्माण हुने चार सय ३९ मेगावाटको बेतन कर्णाली जलविद्युत् आयोजनाको प्रवद्र्धक कम्पनी बेतन कर्णाली सञ्चयकर्ता हाइड्रोपावर कम्पनीको प्रबन्ध निर्देशकमा कृष्णप्रसाद आचार्य नियुक्त हुनुभएको छ । हालै सम्पन्न कम्पनीको साधारणसभाले उहाँलाई प्रबन्ध निर्देशकमा नियुक्त गर्ने निर्णयसँगै शुक्रबार पदभार सम्हाल्नुभएको हो ।
२०७९ पुस ४ गते तत्कालीन प्रबन्ध निर्देशक दीपक रौनियारको कार्यकाल सकिएपछि उक्त पद रिक्त थियो । रौनियारलाई कोषले पुनः प्रबन्ध निर्देशकको जिम्मेवारी दिने निर्णय गरे पनि उहाँ बेतन कर्णाली फर्किन नचाहेका कारण एक वर्षदेखि निमित्तका रूपमा आयोजना प्रमुख उपेन्द्र न्यौपानेले सम्हाल्दै आउनुभएको थियो ।
कम्पनीमा कोषको ४०, नेपाल विद्युत् प्राधिकरणको १० र विद्युत् उत्पादन कम्पनीको १० प्रतिशत स्वामित्व रहेको छ । हाल कम्पनीको अधिकृत पुँजी २० अर्ब र चुक्ता पुँजी १० अर्ब रुपैयाँ रहेको छ । कम्पनीका अनुसार हालसम्म बेतन कर्णालीको विस्तृत अध्ययन प्रतिवेदन (डिपिआर) पूरा भइसकेको र वातावरणीय प्रभाव मूल्यांकन (इआइए) को काम अन्तिम चरणमा रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच