काठमाडौं । कमला कार्की स्मृति प्रतिष्ठानले कराँते खेलाडी अञ्जली महर्जनलाई नगदसहित सम्मान गरेको छ । अन्तर्राष्ट्रिय प्रतियोगितामा पदक जितेर राष्ट्रको गौरव अभिवृद्धि गरेकोमा अञ्जलीलाई सम्मान गरिएको हो ।
अञ्जलीले नेपालमा भएको सातौँ दक्षिण एसियाली कराँते प्रतियोगिताको महिला ५० केजीमुनि स्वर्ण जित्नुभएको थियो । त्यस्तै, अञ्जलीले भारतको मुम्बईमा भएको मुम्बई अन्तर्राष्ट्रिय कराँते प्रतियोगितामा पनि तीन पदक जित्न सफल हुनुभएको थियो । अञ्जलीले एकल र टिम काता तथा कुमुतेमा स्वर्ण जित्नुभएको थियो ।
पूर्वमन्त्री, लेखक, साहित्यकार एवं समाजसेवी भद्रकुमारी घले, पूर्वमन्त्री कृष्णगोपाल श्रेष्ठ, बागमती प्रदेशका सांसद केशव पोखरेल, कमला कार्की स्मृति प्रतिष्ठानका संस्थापक अध्यक्ष एवं ब्राइट फ्युचर स्कुलका प्रिन्सिपल मोहनकुमार कार्कीले अञ्जलीलाई नगद १० हजार एक रुपैयाँसहित प्रशंसापत्र प्रदान गरी एक कार्यक्रमबीच सम्मान गर्नुभयो ।
नैकापस्थित ब्राइट फ्युचरमा भएको कार्यक्रममा मिस नेपाल २०२० नम्रता श्रेष्ठ, पत्रकार ममता थापा, चन्द्रागिरि नगरपालिका वडा १४ र १५ का क्रमशः ९७ वर्षीया धनमाया महर्जन र ९४ वर्षीया भगवती खत्रीलाई पनि समान १० हजार एक रुपैयाँ नगदसहित प्रशंसापत्र प्रदान गरी सम्मान गरिएको थियो । संस्था सम्मानतर्फ नेवारी बाजा खललाई एक लाख एक रुपैयाँसहित प्रशंसापत्रबाट सम्मान गरियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच