पूर्ण र गौरवको जोडी सेमिफाइनलमा

काठमाडौं । नेपाल पुलिस क्लबका पूर्ण थापा र गौरव दाहालको जोडी राजधानीमा जारी प्रथम मुख्यमन्त्री कप खुला राष्ट्रिय ब्याडमिन्टन च्याम्पियनसिपको पुरुष युगलतर्फ सेमिफाइनल प्रवेश गर्नुभएको छ । पूर्ण र गौरवको जोडीले सूर्यदर्शनका दीपक राना र महेश खड्काको जोडीलाई २१-१९, २२-२० ले पराजित गर्दै सेमिफाइनलमा एपिएफका देवराज राना र क्षितिज खनालको जोडीसँगको भेट पक्का गर्नुभएको छ । राना र खनालको जोडीले नखिपोटका विवेक चौधरी र निखिल भट्टको जोडीलाई २१-९, २१-१० ले पराजित गर्नुभएको छ ।

यस्तै, अर्को खेलमा एपिएफका सुजन थापा र राजु थापाको जोडीले आफ्नै क्लबका अमन महर्जन र रोशन साउदको जोडीलाई २१-१४, १९-२१, २१-१२ ले पराजित गर्दै सेमिफाइनलमा नेपाल पुलिस क्लबका दीपक थापा र सुनिल जोशीको जोडीसँगको भेट पक्का गर्नुभएको हो । दीपक र सुनिलको जोडीले देवीनगरका वविश थापा र गोलु ऐरको जोडीलाई २१-१६, २१-९ ले पराजित गर्नुभयो ।

बसुन्धरास्थित फिटनेस पार्क ब्याडमिन्टन एकेडेमीको आयोजनामा भएको प्रतियोगिताको पुरुष एकलतर्फ एपिएफका अमन महर्जनले एपिएफकै सुजन थापालाई २१-१९, १६-२१, २१-१४ ले पराजित गर्दै सेमिफाइनलमा एपिएफकै देवराज रानासँगको भेट पक्का गर्नुभयो ।
देवराजले एपिएफकै अनिल मल्ललाई २२-२०, २१-१५ ले पराजित गर्दै सेमिफाइनल पुग्नुभएको हो । अर्को खेलमा नखिपोटका विवेक चौधरीले एपिएफका रोशन साउदलाई २१-१८, २१-१७ ले तथा एपिएफका क्षितिज खनालले एपिएफकै अरुण अधिकारीलाई १९-२१, २१-१४, २१-९ ले पराजित गर्दै सेमिफाइलनको भेट पक्का गर्नुभएको हो ।

महिला एकलतर्फ एपिएफकी शोभा गौचन, कस्तुरी कलेजकी सीमा राजवंशी, एपिएफकी रिना तामाङ र पुलिसकी निता लम्सालले पनि सेमिफाइनलमा स्थान बनाउनुभयो । शोभाले पुलिसकी सुष्मा श्रेष्ठलाई २१-११, २१-१९, सीमाले देवीनगरकी प्रिया गौडलाई २१-८, २१-३, रिनाले सर्लाहीकी निकिता लामाबाट वाकओभर र निताले एपिएफकी एन्जिला वाङलाई २१-४, २१-३ ले पराजित गर्दै सेमिफाइनल प्रवेश गर्नुभएको हो ।

ब्वाइज यू-१३ तर्फको खेलमा तनहुँका सफल भुजेलले स्पोटर््स हबका सदीप राईलाई २१-१३, २१-१६, कैलालीका रियांश चौधरीले धन्वन्तरीका सत्यम कार्कीलाई २३-२१, १३-२१, २३-२१, एपिएफका आयुष सिंखडाले दीपक ब्याडमिन्टन एकेडेमीका डियोन भण्डारीलाई १३-२१, २१-१७, २१-५ र कैलालीका आदित्य चौधरीले धन्वन्तरीका सुहम कार्कीलाई २१-१५, २१-१९ ले पराजित गर्दै अन्तिम चारमा स्थान पक्का गर्नुभयो ।

यस्तै, सोही समूहको गल्र्सतर्फको खेलमा मोहन भूगोल ब्याडमिन्टन फाउण्डेसनका निभा राई, ग्यालेक्सी पब्लिक स्कुलकी अक्षरा यादव, सिन्धुपाल्चोककी आश्ना श्रेष्ठ र दीपक ब्याडमिन्टन एकेडेमीकी अस्मिता कार्कीले पनि अन्तिम आठमा स्थान बनाउनुभयो । निभाले एपिएफकी आश्रुति कार्कीलाई २१-४, २१-५, अक्षराले दीपक ब्याडमिन्टनकी उपासना बोहरालाई २१-५, २१-१८, आश्नाले एपिएफकी एञ्जिला वाङलाई २१-१०, २१-६ र अस्मिताले ग्यालेक्सीकी सुजाता पोखरेललाई २१-६, २१-५ ले पराजित गर्नुभएको हो ।

ब्वाइज यू-१९ तर्फ एपिएफका रोशन साउदले देवीनगरका सक्षम ढकाललाई २१-१३, २१-१५ ले पराजित गर्दै सेमिफाइनलमा युनिटीका सुनिल कार्कीसँगको भेट पक्का गर्नुभयो । सुनिलले सूर्यदर्शनका अमन डंगोललाई २१-१७, २१-१३ ले पराजित गर्नुभयो । यस्तै, अर्को खेलमा एपिएफका अनिल मल्लले एपिएफकै प्रारम्भ सिंखडालाई २१-६, २१-५ र एपिएफका अरुण अधिकारीले स्पोटर््स हबका अनुज तामाङलाई १५-२१, २१-१३, २२-२० ले पराजित गर्दै सेमिफाइनल भेट पक्का गर्नुभयो ।

यसै विधाको गल्र्सतर्फ एपिएफकी रिना तामाङले ग्यालेक्सीकी अक्षरा यादवलाई २१-६, २१-४ र मोहन भूगोल ब्याडमिन्टन फाउण्डेसनकी निभा राईले दीपक ब्याडमिन्टनकी उपासना बोहराबाट वाकओभर तथा इमाडोलकी टिसा रानी शाक्यले ग्यालेक्सीकी सुजाता पोखरेललाई २१-२, २१-७ र दीपक ब्याडमिन्टनकी अस्मिता खत्रीले कास्कीकी आयुष्मा नेपाललाई २१-९, २३-२१ ले पराजित गर्दै सेमिफाइनलको भेट पक्का गर्नुभएको हो ।