काठमाडौं । हिमरश्मीको ब्वाइज र गल्र्स दुवै टोली सातौँ ओप्स खेलकुद महोत्सवअन्तर्गत बास्केटबल प्रतियोगितामा सेमिफाइनलमा प्रवेश गरेका छन् । अर्गनाइजेसन अफ प्राइभेट स्कुल (ओप्स) द्वारा आयोजित प्रतियोगिताको ब्वाइजमा हिमरश्मीले प्रगतिलाई २५-१७ ले पराजित गर्यो । हिमरश्मीका आयुश थापाले ५ अंक जोड्नुभयो ।
ब्वाइजमै एञ्जल्स हार्टले न्युटनलाई २८-१९ तथा सेबले पुष्पकुञ्जलाई ३८-१९ ले हराउँदै सेमिफाइनलमा स्थान सुरक्षित गरे । एञ्जल्स हार्टका जितेन्द्र चौधरीले १२ तथा सेबका सुमित राईले ९ स्कोर गर्नुभयो । सेमिफाइनलमा एञ्जल्स हार्टको भेट हिमरश्मीसँग हुनेछ भने सेबले लालीगुराँस नेसनल एकेडेमीविरुद्ध प्रतिस्पर्धा गर्नेछ ।
डाँडागाउँस्थित हिमरश्मीकै कोर्टमा भइरहेको प्रतियोगिताको गल्र्समा हिमरश्मीले न्युटनलाई १६-१२ ले पाखा लगायो । हिमरश्मीकी सिर्जना तामाङले नौ अंक जोड्नुभयो । अन्य खेलमा सेबले कौशललाई २०-१५, फेरिल्याण्डले प्रगतिलाई १९-१२ र एञ्जल्स हार्टले लालीगुराँसलाई २०-१९ ले पाखा लगाउँदै सेमिफाइनलको यात्रा तय गरे । सेबकी सुस्मिता पराजुलीले ६, फेरिल्याण्डकी स्नेहा महतले सात र एञ्जल्स हार्टकी अन्शु शर्माले ६ स्कोर गर्नुभयोे । सेमिफाइनल एञ्जल्स हार्ट र फेरिल्याण्ड तथा हिमरश्मी र सेबबीच हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच