काठमाडौं । म्युजिक भिडियो निर्देशक माइकल चन्दले चलचित्र निर्देशनमा डेब्यु गर्नुहुने भएको छ । उहाँले ‘राम नाम सत्य’ बाट चलचित्र निर्देशनमा हात हाल्न लाग्नुभएको हो । यो चलचित्रको सार्वजनिक थिम पोस्टरमा एउटा ठूलो घण्टी र बञ्चरोलाई देखाइएको छ । साथै एक पुरुष दौडिरहेको देख्न सकिन्छ । डार्क शैलीमा तयार पारिएको पोस्टरले चलचित्रका बारेमा धेरै कुरा बोल्न खोजेको छ । चलचित्रको नामअनुसार यसले बदलाको कथा भन्न खोजेको देखिन्छ ।
माइकल इन्टरटेनमेन्ट हाउसको प्रस्तुतिमा चलचित्रको कथा पनि स्वयं चन्दले नै लेख्नुभएको हो । चलचित्र प्रकाश शाह, उपेन्द्र शाही र राज कटुवालको लगानीमा बन्नेछ ।
‘अहिले चलचित्रको कथा लेखन र संगीतको काम भइरहेको छ,’ निर्देशक चन्दले जानकारी गराउनुभयो । उहाँले भन्नुभयो, ‘चलचित्र निर्देशन गरेर यो क्षेत्रलाई केही योगदान गरौँ भन्ने सोच मेरो पहिलेदेखि नै थियो । साथमा अहिलेको समसामयिक विषयवस्तुमा केही फरक कथा भन्नुपर्छ भन्ने पनि लागेको थियो । यसैले चलचित्र निर्देशन आरम्भ गर्न लागेको हुँ ।’ दर्जनौँ म्युजिक भिडियो निर्देशन गर्नुभएका चन्दले यो चलचित्रलाई आउँदो वर्षबाट छायांकनमा लैजाने बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच