काठमाडौं । साताको पहिलो दिन दोहोरो अंकले बढेको सेयर बजार दोस्रो दिन पनि दोहोरो अंकले बढेको छ । सोमबार नेप्से सूचक १०.२६ अंकले बढेर २१०४.७२ अंकमा पुगेको हो । सेन्सेटिभ इण्डेक्स ०.८६ अंक बढेको छ भने फ्लोट इण्डेक्स ०.५१ र सेन्सेटिभ फ्लोट इण्डेक्स ०.११ अंक बढेको छ । यस दिन तीन सय ११ कम्पनीका एक करोड २३ लाख २२ हजार सात सय पाँच कित्ता सेयर चार अर्ब ५६ करोड ६५ लाख २२ हजार दुई सय ३० रुपैयाँमा कारोबार भएको छ । आइतबारको तुलनामा दैनिक कारोबार ७२ करोड ७८ लाखले बढेको हो । आइतबार तीन अर्ब ८३ करोड ८७ लाख ७६ हजार पाँच सय ८० रुपैयाँको कारोबार भएको थियो ।
यस दिन बैंकिङ, लघुवित्त र निर्जीवन बिमाको इण्डेक्स थोरै घटेको छ भने अन्यको सूचक सर्वाधिक १.६४ प्रतिशतले बढेको छ । जलविद्युत् १.०३ प्रतिशतले बढेको छ । लगानी ०.९८, जीवन बिमा ०.७२, फाइनान्स ०.४९ र उत्पादन तथा प्रशोधनमूलक ०.४४ प्रतिशतले बढेको छ । एक सय ८२ कम्पनीको सेयर मूल्य बढेकामा एक सय १३ कम्पनीको घटेको छ भने १६ कम्पनीको स्थिर रहेको छ ।
कारोबार रकमका आधारमा शीर्षस्थानमा रहेको हिमालयन रि इन्स्योरेन्सको ६० करोड १६ लाख ७१ हजार रुपैयाँ बराबरका नौ लाख पाँच सय ११ कित्ता सेयर खरिदबिक्री भएका छन् । ङादी गु्रप पावरको सर्वाधिक २३ करोड ८३ लाख ५६ हजार रुपैयाँमा कारोबार भएको छ भने हाथवे इन्भेस्टमेन्टका १२ करोड ८७ लाख, एनआरएन इन्फ्रास्टक्चर एण्ड डेभलपमेन्टको ११ करोड सात लाख तथा नेपाल रि इन्योरेन्सको नौ करोड ९० लाख रुपैयाँ बढीको कारोबार भयो । युनियन हाइड्रोपावर, अरुण भ्याली हाइड्रोपावर र मिड सोलु हाइड्रोपावरको सेयर मूल्य सकारात्मक सर्किट लेबलमा बढेको छ ।
विन्धबासिनी हाइड्रोपावर ८.७०, अपर स्याँगे हाइड्रोपावर ८.४३, समाज लघुवित्त ८.३०, कालिका पावर ७.७८, युनाइटेड इदिमर्दी आरबी हाइड्रोपावर ६.७८, मकर जितुमाया सुरी हाइड्रोपावर ६.३८, पाँचथर पावरको सेयर मूल्य ६.१९ प्रतिशतले बढेको छ । डिबेञ्चर २०८८ को मूल्य सर्वाधिक १० प्रतिशतले घटेर ८८६.५० रुपैयाँमा झरेको छ भने ज्योति विकास बैंक बण्ड २०८७ को ७.४७, सिद्धार्थ ग्रोथ स्किम–२ को ३.७१, महुली लघुवित्तको ३.४६ र लक्ष्मी उन्नति कोषको इकाई मूल्य ३.५४५ प्रतिशतले घटेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच