काठमाडौं । नेपाल स्टक एक्सचेन्ज (नेप्से) ले नेप्सेमा सूचीकृत संस्थाको नयाँ वर्गीकरण गरेको छ । नेप्सेले चालु आर्थिक वर्ष २०८०/८१ को पुस मसान्तसम्मको अद्यावधिक विवरणअनुसार संगठित संस्थाको वर्गीकरण गरेको हो । नेप्सेले दुई सय ७१ सूचीकृत कम्पनीलाई ‘ए’, ‘बी’, ‘जी’ र ‘जेड’ गरी चार समूहमा वर्गीकरण गरेको छ । सबैभन्दा धेरै ‘जेड’ समूहमा पर्ने एक सय ३५ कम्पनी रहेका छन् भने समूह ‘जी’ मा ७०, ‘बी’, मा ३५ र समूह ‘ए’ मा ३१ कम्पनी रहेका छन् ।
समूहमा ‘ए’मा आठ वाणिज्य बैंक, सात विकास बैंक, एक फाइनान्स कम्पनी, छ लघुवित्त, एक बिमा कम्पनी, तीन जलविद्युत् कम्पनी, दुई उत्पादन समूह र तीन अन्य समूहका कम्पनी परेका छन् । १९ वाणिज्य बैंकमध्ये आठ ‘ए’ मा, सात ‘बी र ४ वटा ‘जेड’ समूहमा परेका छन् ।
‘बी’ समूहमा ३५ संस्था रहेकामा सात वाणिज्य बैंक, दुई विकास बैंक, छ फाइनान्स कम्पनी, दुई लघुवित्त, १४ जलविद्युत्, तीन होटल समूह र एउटा अन्य समूहका कम्पनी रहेका छन् । ‘जी’ समूहमा ७० कम्पनी र एक सय ३५ कम्पनी ‘जेड’ समूहमा परेका छन् । वर्गीकरणमा परेको संगठित संस्थाले उल्लेखित समूहमा पर्नु नपर्ने कारणसहित ३५ दिनभित्र दाबी गर्न सक्ने पनि नेप्सेले जनाएको छ ।
सेयर बजार दोहोरो अंकले घट्यो
साताको अन्तिम कारोबार दिन बिहीबार सेयर बजार १४.४६ अंकले घटेको छ । नेप्से ०.६९ घटेर २०६२.०३ अंकमा झरेको हो । कारोबारमा आएका १३ समूहगत सूचकमध्ये १२ वटा समूहको घटेको छ भने उत्पादन तथा प्रशोधन ०.१५ प्रतिशतले बढेको छ । फाइनान्स सर्वाधिक २.७१, अन्य १.६२ र विकास बैंक समूह १.४० प्रतिशतभन्दा बढीले घटेका छन् ।
यस दिन तीन सय पाँच कम्पनीका एक करोड १४ लाख सात हजार दुई सय ६४ कित्ता सेयर तीन अर्ब ८६ करोड ९१ लाख १८ हजार सात सय ४२ रुपैयाँमा कारोबार भएको छ । अघिल्लो दिन बुधबार चार अर्ब २५ करोड २७ लाखको सेयर कारोबार भएको थियो ।
कारोबार रकमका आधारमा शीर्ष स्थानमा रहेको हिमालयन रि इन्स्योरेन्सको २२ करोड ८५ लाख ७६ हजार रुपैयाँको सेयर कारोबार भएको छ भने समाज लघुवित्त ११ करोड ५९ लाख, जोशी हाइड्रोपावर १० करोड ७५ लाख, एनआइसी एसिया बैंक आठ करोड ७० लाख र हिमालयन ऊर्जा विकास कम्पनीको आठ करोड ५७ लाखभन्दा बढीको कारोबार भएको छ ।
बोटलर्स नेपाल (बालाजु) लिमिटेड र समाज लघुवित्तको सेयर मूल्य १० प्रतिशतले बढेर सकारात्मक सर्किट लागेको छ भने छ्याङ्दी हाइड्रोपावरको सेयर मूल्य ८.०१, जोशी हाइड्रोपावर ७.४७ र बलेफी हाइड्रोपावरको सेयर मूल्य ५.३५ प्रतिशतले बढेको छ ।
यस दिन सबैभन्दा धेरै मैलुङखोला जलविद्युत्को ५.७० प्रतिशतले घटेको छ भने प्रोगेसिभ फाइनान्स ५.५८, माहुली लघुवित्त ५.४२, रिभर फल्स पावरको ५.१५ र हिमालयन पावर पार्टनरको सेयर मूल्य ४.९३ प्रतिशतले घटेको नेपाल स्टक एक्सचेन्ज(नेप्से)ले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच