काठमाडौं । द चाँदबाग स्कुलको आयोजनामा दोस्रो कम्फेस्ट आज (आइतबार)देखि हुने भएको छ । कम्फेस्टमा बास्केटबल, फुटबललगायत शिक्षातर्फ विभिन्न विधामा प्रतिस्पर्धा हुने चाँदबागका प्रिन्सिपल चन्द्रायन प्रधान श्रेष्ठले जानकारी गराउनुभयो ।
यू-१२ बास्केटबलको ब्वाइज÷गल्र्समा समान १२-१२ टिमले प्रतिस्पर्धा गर्नेछन् । दुवै समूहमा सहभागी टिमलाई ४ समूहमा विभाजन गरी लिग कम नकआउट आधारमा खेल खेलाइनेछ । यू-१२ उमेर समूहकै फुटबलमा २२ ब्वाइज टिमले भाग लिनेछन् । खेल लिग कम नकआउट पद्धतिमा हुनेछ । फागुन ११ गतेसम्म चल्ने प्रतियोगिताका खेलहरू बाँसबारीस्थित आयोजककै हातामा हुनेछन् । प्रतियोगिता फागुन ११ गतेसम्म चल्नेछ ।
यता ब्रहृमकुञ्जले आठौँ अर्किड कप अन्तरविद्यालय जुनियर छात्र फुटबल प्रतियोगितामा विजयी सुरुवात गरेको छ । काँडाघारीस्थित आयोजक अर्किड प्युपल सेकेण्डरी स्कुलको मैदानमा ब्रहृमकुञ्जले लाइसियम प्याराडाइसलाई २-० गोलले पराजित गर्यो । सञ्जय शाही विद्या मन्दिरले एकलव्य शिक्षा सदनलाई ६-२ को फराकिलो गोलअन्तरले हरायो । भीमेश्वर एकेडेमी र गणेश हिमालबीचको खेल १-१ गोलको बराबरीमा टुंगियो ।
नकआउट प्रतियोगितामा ३८ टिम सहभागी छन् । शीर्ष चार स्थानमा रहने टिमले क्रमशः ३० हजार, २० हजार, १५ हजार र १० हजार नगद पुरस्कार पाउनेछन् । फाइनल फागुन १२ गते हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच