काठमाडौं । हिमाली जनजीवन र हिमचुलीहरूको अवस्थालाई विशेष रूपमा चर्चा गरिएको ‘बोल्दैन फोटो’ नियत्रोपन्यास कृतिमाथि विमर्श गरिएको छ । दायित्व वाङ्गमय प्रतिष्ठानका अध्यक्ष रामप्रसाद पन्तको सभापतित्वमा सम्पन्न कार्यक्रममा कृतिका बारेमा वरिष्ठ पत्रकार तथा प्राध्यापक पुरुषोत्तम दाहालले टिप्पणी गर्नुभएको थियो ।
उहाँले कृतिका सकारात्मक र नकारात्मक पक्षहरूको चर्चा गर्दै यसका केही कमजोरीलाई सुधार्नुपर्छ, तबमात्र कृतिले आफ्नो उच्चाइ लिने कुराको चर्चा गर्नुभएको थियो । अर्का कृति वक्ता ठाकुर शर्माले कृति हिमाल जतिकै उच छ भन्दै यसले दिन खोजेको सन्देश निकै महŒवपूर्ण रहेको जिकिर गर्नुभएको थियो । उहाँले भाषा शैली कलात्मक र सुन्दर रहेको बताउनुभयो ।
कृतिका लेखक डा.दाहालले आफूले सोलुको हिमाली क्षेत्र खुम्बूतिरको केही दिनको यात्रामा देखे-भोगेको सुनेजानेको मूल विषयलाई यात्राको क्रममा लेखेको अझ कृति पठनीय बनोस् भनेर उपन्यास जोडर नयाँ पन दिन खोजेको सुनाउनुभयो । यहाँ उठेका विषयलाई आर्को संस्करणमा समावेश गरिने उहाँको प्रतिबद्धता थियो ।
कृतिको चर्चा गर्ने क्रममा समालोचक/साहित्यकारहरु सुवसेन ओली, युवराज मैनाली, भागिरथी श्रेष्ठ, विजयध्वज थापा, बालिका गिरी, मञ्जुश्री प्रधान, केशवराज पन्त, सविन पोख्रेल, बमबहादुर जिताली, नरबहादुर हमाल, सुवास पाण्डे, हरि निरौलालगायतले आ-आफ्ना भनाइ राख्नुभएको थियो ।
कवि राधा दुवाल कार्कीले उद्घोष गर्र्नुभएको कार्यक्रममा संस्कृतिविद् विणा पौडेल र प्रमुख अतिथि प्रा.दिनेश राज पन्तले कृतिको बहुपक्षीय चर्चा गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच