काठमाडौं । साहित्यकार सुभाष घिमिरेका दुई उपन्यास ‘मौन विद्रोह’ र ‘द साइलेन्ट रिबिलियन’ लोकार्पण गरिएको छ । काठमाडौंमा एक विशेष कार्यक्रमबीच प्रमुख अतिथि नेपाल वार एसोसिएनका अध्यक्ष गोपालकृष्ण घिमिरे, सभापति शिखा बुक्सका पुष्पराज पौडेल, विशेष अतिथि श्यामल, समीक्षकद्वय उदय अधिकारी र राजकुमार बानिया अनि लेखक घिमिरेले दुवै उपन्यासको सामूहिक लोकार्पण गर्नुभएको हो ।
शिखा बुक्सले प्रकाशनमा ल्याएको मौन विद्रोह एक नेपाली नारीले परम्परागत सामाजिक मान्यतालाई तोडेर आफ्नो जीवन साथी रोजेको विषयमा केन्द्रित छ ।
विमोचन समारोह प्रमुख अतिथि र अथितिहरूले उपन्यासकार घिमिरेलाई बधाई तथा शुभकामना दिँदै उहाँको अंग्रेजी र नेपाली दुवै भाषामा समान दखल भएकाले आगामी दिनमा अझ राम्रा कृतिहरू आउने विश्वास व्यक्त गर्नुभयो ।
समीक्षक उदय अधिकारीले पहिले अनुवाद र संक्षिप्त लेखनमा देखिनुभएका घिमिरेले आख्यान विधामा प्रवेश गरेर उत्कृष्ट कृति नेपाली साहित्यलाई उपहार दिनुभएको जिकिर गर्नुभयो ।
यस्तै, अर्का समीक्षक राजकुमार बानियाले उपन्यास नयाँ शैलीमा आएको उल्लेख गर्नुभयो । उहाँले मौन विद्रोह एक महिला पात्र अनामिकाको बाल्यकालदेखिको मनोभाव र विद्रोहसम्मका कुराहरूलाई आफैँले प्रस्तुत गरेको सुन्दर अभिव्यक्तिको संग्रहको रूपमा लिन सकिने बताउनुभयो ।
उपन्यासकार घिमिरेले आफू अध्ययन र कामको सिलसिलामा दुई दशक अमेरिका बसेको उल्लेख गर्दै विदेश बस्ने नेपाली र अझ विदेशमा नै जन्मिएको नयाँ पुस्ताका लागि अंग्रेजीमा किन नलेख्ने भनेर त्यही कथावस्तुलाई ‘द साइलेन्ट रिबिलियन’मा पस्किएको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच