भक्तपुर । सहकारी सुदृढीकरणको आधारः सहकार्य, एकता र विश्वास भन्ने नाराका साथ बागमती प्रदेश बचत तथा ऋण सहकारी संघ (बागमती प्रोस्कुन) को आयोजनामा बुधबारदेखि भक्तपुरमा बागमती प्रदेश साकोस समिट सुरु भएको छ । दुईदिने साकोस समिट संयुक्तरूपमा उद्घाटन गर्दै राष्ट्रिय सहकारी महासंघका निवर्तमान अध्यक्ष मीनराज कँडेलले सहकारी अभियान सुदृढीकरणका लागि सबैले हातेमालो गर्न आवश्यक रहेको बताउनुभयो । बचत तथा ऋणको कारोबार गर्ने तथा सहकारीको मूल्य मान्यताभन्दा बाहिर रहेका सहकारीमा समस्या आएको भन्दै उहाँले समस्या समाधानका लागि सहकार्यमा जोड दिनुभयो ।
कँडेलले भन्नुभयो, ‘अहिले सहकारीमा नियामक निकायको भूमिका पनि शंकास्पद छ । सहकारी क्षेत्रमा देखिएको प्रतिकूल अवस्थामा पनि एउटै संस्थाले एकै दिन २४ वटासम्म सेवा केन्द्र सञ्चालनका लागि स्वीकृति दिएको छ । यसले पनि सहकारी क्षेत्रमा समस्या ल्यायो ।’ सहकारीले २२ प्रतिशतसम्म ब्याज दिएर सदस्यबाट ठूलो बचत लिएका संस्था नै समस्यामा परेको उहाँको भनाइ थियो ।
राष्ट्रिय सहकारी महासंघका वरिष्ठ उपाध्यक्ष रमेशप्रसाद पोखरेलले बचत तथा ऋण सहकारी संस्थामा देखिएको समस्या समाधानमा समिटले समाधान गर्ने विश्वास व्यक्त गर्नुभयो । सहकारी क्षेत्रमा देखिएका समस्या अन्त्य गर्न, दिगो सहकारी अभियान बनाउन, स्वनियमन र सुशानसलाई प्रभावकारीरूपमा कार्यान्वयन गर्न महासंघले नेतृत्व गर्ने उहाँले बताउनुभयो ।
बचत तथा ऋण केन्द्रीय सहकारी संघ (नेफ्स्कुन) का अध्यक्ष चन्द्रप्रसाद ढकालले सबै मिलेर सहकारीको वर्तमान भ्रम चिर्नुपर्नेमा जोड दिनुभयो । बागमती प्रोस्कुनका अध्यक्ष उद्धव सापकोटाले सहकारी संस्थालाई सुशासित र मर्यादित बनाउन बागमती प्रदेश बचत तथा ऋण सहकारी संघ प्रतिबद्ध रहेकोे बताउनुभयो । दुर्ई दिनसम्म सञ्चालन हुने साकोस समिटमा १३ जिल्लाका दुई सय ७० जना सहकारीकर्मीको सहभागिता रहेको आयोजकले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच