काठमाडौं । साहित्यकार अधिकारी विमलाको कवितासंग्रह ‘बाल बगैँचा’ र साहित्यकार वसन्तकुमार बस्नेतको ‘वसन्तका कविताहरू’ लोकार्पण गरिएको छ । कठमाडौंमा एक कार्यक्रमबीच काव्य घर नेपाल मिडिया प्रा.लि.को पेरोल काव्य घर नेपाल साहित्य विभागको आयोजनामा उक्त दुई कृति संयुक्त रूपमा लोकार्पण गरिएको हो ।
काव्यघर नेपाल मिडियाका अध्यक्ष राजकुमार खड्काको सभापतित्व तथा भ्रष्टाचारविरोधी अभियानका अभियन्ता तथा ‘कालो सूर्य’ उपन्यासका लेखक वरिष्ठ साहित्यकार भरत जंगमको प्रमुख आतिथ्य तथा विशिष्ट अतिथि प्रा.डा.गोविन्द गुरागाईं, प्रा.डा.रमेश शुभेच्छु, हिमलाल अधिकारी, बाल साहित्य लेखनका क्षेत्रमा चर्चित साहित्यकार गंगा कर्माचार्य पौडेल, तथा ललिता ‘दोषी’, वरिष्ठ पत्रकार तथा साहित्यकार पुरुषोत्तम दाहाल, अनेसास नेपाल च्याप्टरकी वरिष्ठ उपाध्यक्ष मञ्जिला अनिल, देवी अधिकारी, दिपेन्द्रनाथ शर्मा, अम्बिका नरेन्द्र रेग्मी, घमप्रसाद अधिकारीलगायत सयौंका संख्यामा उपस्थित साहित्यानुरागीको समुपस्थितिमा उक्त दुई कृतिहरू तथा साहित्यिक भित्ते पात्रो २०८१ लोकार्पण गरिएको थियो । राष्ट्रिय गानबाट सुरु गरिएको उक्र कार्यक्रमा अधिकारी विमलाका नातिनातिनी युभान र आभ्यानाको प्रस्तुति रहेको थियो ।
कार्यक्रममा प्रमुख अतिथि जंगमले कालो सूर्य प्रकाशनका समयमा खानुपरेको गोताको स्मरण गर्दै र्सिजनात्मक कर्म शारीरिक मानसिक सबलताको रुपमा प्रस्तुत रहने बताउँदै शारीरिक अस्वस्थताका बाबजुद वसन्तद्वारा सिर्जना कृति वसन्तका कविताहरू चोटिलो रहेको बताउँदै अधिकारी विमलाको कृतिसमेत उच्चकोटिको रहेकाले निरन्तर साहित्य सेवाका लागि आग्रह गर्नुभएको थियो ।
गंगा कर्माचार्य पौडेलले ‘बाल बगैँचा’कृतिमाथि तथा डा.रमेश शुभेच्छुले ‘वशन्तका कविताहरू’ कृतिमाथि समीक्षात्मक टिप्पणी राख्नुभएको थियो भने साहित्यकार अरुणबहादुर खत्री ‘नदी’ द्वारा स्रष्टा अधिकारी विमलाका गजलमाथि समीक्षा गरिएको थियो । साहित्यकार शर्मा ललिताद्वारा साहित्यिक भित्तेपात्रो-२०८१ को समीक्षा गरिएको थियो ।
सो अवसरमा वरिष्ठ पत्रकार तथा साहित्यकार पुरुषोत्तम दाहाल, देवी अधिकारी तथा प्रा.डा.गोविन्द गुरागाईंले कृति सफलताको शुभकामना व्यक्त गर्नुभएको थियो । लेखकीय मन्तव्यका क्रममा अधिकारी विमलाले आफ्नो र्सिजनात्मक कर्मको लामै फेहरिस्त भए तापनि पुस्तकाकारका रूपमा भर्खरै मात्र आएकाले समुचित पाठक प्रतिक्रियाका आधारमा आगामी लेखन कर्ममा परिष्कृत गर्दै लैजाने प्रतिबद्धता जनाउनुभएको थियो ।
कार्यक्रमका सभापति राजकुमार खड्काले स्रष्टाहरू साहित्य सिर्जनामा सम्वेदनशील हुनुपर्ने बताउँदै काव्य घर नेपाल साहित्यकारहरूका लागि साझा चौतारी रहेकाले समग्रमा स्रष्टाहरूको कृतिको उचित जगेर्ना, संरक्षण र वितरणको व्यवस्थापन गरिएको विश्वास अक्षुण्य राख्न भूमिका खेल्ने बताउनुभयो ।
अतिथि मञ्जिला अनिलले विमोचित कृतिवाट सिर्जना बाचन गर्नु भएको थियो भने साहित्यकार इन्दु पन्तले साहित्यिक भित्तेपात्रोबाट आफ्नो रचना वाचन गर्नु भएको थियो । कार्यक्रमा आयोजकको तर्फबाट लेखक द्वयलाई मायाको चिनो प्रदान गरिएको थियो भने सभापतिबाट प्रमुख अथितिसहित सम्पूर्ण अतिथिलाई मायाको चिनो प्रदान गरिएको थियो । बाल साहित्यकार ललिता दोषीले स्वागत मन्तव्य राख्नुभएको कार्यक्रममा जयराम बिडारीद्वारा धन्यवाद ज्ञापन गरिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच