विराटनगर । मोरङ क्रिकेट संघको आयोजनामा विराटनगरमा जारी कोशी प्रदेश ट्रफी पेप्सी राष्ट्रिय टी-२० क्रिकेट प्रतियोगितामा सुदूरपश्चिम प्रदेश विजयी भएको छ । विराटनगरको बैजनाथपुर क्रिकेट रंगशालामा सोमबार भएको पहिलो खेलमा सुदूरपश्चिम प्रदेशले बागमती प्रदेशलाई २ विकेटले पराजित गरेको छ । जितसँगै सुदूर समूह ‘बी’ मा चार खेलमा तीनमा जित र एकमा पराजित हुँदै ६ अंकका साथ दोस्रोे स्थानमा रहेको छ भने बागमतीले खेलेका दुवै खेलमा पराजित हुँदै प्रतियोगिताबाट बाहिरिएको छ । बागमतीले बाँकी दुई खेलमा जित हात पारे पनि समूह चरणबाटै बाहिरिनेछ । सुदूर सेमिफाइनल नजिक पुगेको छ । अब पुलिसले बाँकी रहेका दुई खेलमा लुम्बिनी र बागमतीलाई भारी मतान्तरमा जित निकालेमात्र सुदूर प्रतियोगिताबाट बाहिरिनेछ ।
टस जितेर ब्याटिङ गरेको बागमतीले निर्धारित २० ओभरमा सबै विकेट गुमाई ११७ रनमा सीमित भयोे । बागमतीका लागि शुभ कंसाकारले ३४ बलमा तीन छक्का र चार चौका प्रहार गरी ४१ रन बनाउँदा रविन जोशीले ३१ रनको योगदान दिनुभयो । सुदूरका प्लेयर अफ द म्याच नारायण जोशीले दुई ओभर बलिङ गर्दै नौ रन दिएर तीन विकेट लिँदा नरेन साउदले दुई विकेट लिनुभयो ।
जवाफमा ११८ रनको लक्ष्य पाएको सुदूरले १९ दशमलब दुई बलमा आठ विकेट गुमाई सो विजयी लक्ष्य पार गरेको थियो । सुदूरको जितमा नरेन भट्टले ३० रन बनाउँदा दिपक बोहोराले २२ रन, किरण ठगुन्नाले २१ रन र नारायण जोशीले १६ रनको योगदान दिनुभयो । बागमतीका गौतम केसीले ३ विकेट लिँदा विपिन आचार्य र इशान पाण्डेले २-२ विकेट लिनुभयो । दोस्रो खेलमा एपिएफले घरेलु टोली कोशी प्रदेशलाई ४ विकेटले पराजित गरेको छ । एपिएफसँग पराजित भएको कोशी प्रतियोगिताबाट बाहिरिएको छ । समूह ‘ए’ को तीन खेलमा एकमा जित र दुईमा पराजित कोशी दुई अंकका साथ तेस्रो स्थानमा रहेको छ ।
दुई खेलमा एकमा जित र एकमा पराजित भएको एपिएफ दुई अंकका साथ तालिकामा चौथो स्थानमा रहेको छ । टस जितेर ब्याटिङ गरेको कोशीले निर्धारित २० ओभरमा सबै विकेट गुमाई ११७ रनको योगफल तयार पारेको थियो । कोशीका विकेट किपर सोनु अन्सारीले ३१ बलमा २ छक्का र ३ चौका प्रहार गरी ४३ रन बनाउँदा अंकित सुवेदीले ३२ रन र श्रवण यादवले १९ रनको योगदान दिनुभयो । एपिएफका प्लेयर अफ द म्याच भुवन कार्की, यज्ञमान कुमाल, अमर रोटेला र इर्साद अहमदले २-२ विकेट लिनुभयो ।
जवाफमा ११८ रनको लक्ष्य पछ्याएको एपिएफले १८ दशमलब ५ बलमा ६ विकेट गुमाई लक्ष्य पार गरेको थियो । एपिएफकोे जितमा पुरन विकले ३६ रन, प्रनित थापा मगरले २० र अरुण ऐरीले १५ रनको योगदान दिनुभयो । मधेशका फिर्दोस अन्सारीले ४ ओभरमा १६ रन दिएर ३ विकेट लिँदा दिपेश कँडेलले १ विकेट लिनुभयो ।
यस्तै, गण्डकीका कप्तान विपिन खत्री कोशी प्रदेश ट्रफी क्रिकेट प्रतियोगिताका कारबाहीमा पर्नुभएको छ । आइतबार पुलिससँग भएको खेलमा पुलिसका खेलाडी शंकर रानाको स्टम्पिङको अपिल गरेपछि अम्पायरले आउट नदिएपछि खेल सकिएपछि विपिनले अम्पायरको गलत निर्णयले हामी पराजित भएको भनेपछि विपिन कोड अफ कण्डक्ट लेव टु अनसनर कारबाहीमा पर्नुभएको हो ।
म्याच रेफ्री महमद सफिकले उहाँलाई म्याच फिको सय प्रतिशत र ३ डिमेरी प्वाइन्ट दिनुभएको छ । उहाँले अब १८ महिनाभित्र क्यानले मान्यता दिएर प्रतियोगितामा १ डिमेरी प्वाइन्ट पाउनुभयो भने क्यानले मान्यता पाएको प्रतियोगिताको १ खेल प्रतिबन्ध हुने म्याच रेफ्री सफिकले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच