काठमाडौं । पाँचौँ नेपाल सांस्कृतिक अन्तर्राष्ट्रिय चलचित्र महोत्सव आयोजना हुने भएको छ । आयोजक नेपाल सांस्कृतिक तथा चलचित्र केन्द्रले काठमाडौंमा एक कार्यक्रम गर्दै महोत्सवका बारेमा जानकारी गराएको हो । महोत्सवमा चलचित्रको कलामा मात्र सीमित नभई मानव अधिकार र दिगो विकास जस्ता महत्वपूर्ण मुद्दाहरूमा संवाद रहने जनाइएको छ । मानव अधिकार, दिगो विकास र सांस्कृतिक सिर्जनशीलताका विषयवस्तुलाई प्रवद्र्धन गर्दै विश्वभरका विविध चलचित्रको छनोटका साथ महोत्सवले दर्शकलाई मोहित पार्ने तयारी रहेको आयोजक संस्थाका अध्यक्ष तथा कार्यक्रम संयोजक सन्तोष सुवेदीले जानकारी गराउनुभयो ।
आगामी मार्च २९ देखि ३१ सम्म आयोजना हुने महोत्सव चलचित्र विकास बोर्ड र पर्यटन बोर्डमा चल्नेछ । यस वर्षको महोत्सवले सांस्कृतिक आदानप्रदान र समझदारीको माध्यमका रूपमा सिनेमाको विश्वव्यापी अपिललाई जोड दिँदै ३७ विभिन्न देशका ३७ विभिन्न भाषाहरूको प्रतिनिधित्व गर्ने ६० चलचित्र सहभागी हुने आयोजकले जनाए्को छ ।
मार्च २९ गते उद्घाटन हुने महोत्सवमा सर्वसाधारणका लागि निःशुल्क प्रवेशको व्यवस्था गरिएको छ । महोत्सवले सबै क्षेत्रका मानिसलाई चलचित्रप्रति आकर्षण गर्ने विश्वास लिएको छ ।
कार्यक्रममा चलचित्र कलाकार संघका अध्यक्ष मोहन निरौला, गीतकार शान्ति प्रिय, चलचित्र निर्देशक माधवराज खरेललगायतले महोत्सवको महत्वका विषयमा धारणा राख्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच