काठमाडाैं । सत्तासाझेदार नेकपा (एकीकृत समाजवादी) का सांसद प्रकाश ज्वालाले आगामी आर्थिक वर्षको बजेट निर्माणमा सांसदको भरोसा गर्न अर्थमन्त्री वर्षमान पुनलाई आग्रह गर्नुभएको छ ।
सांसद ज्वालाले विज्ञ भनेपनि, सल्लाहकार भनेपनि, अनुभवी व्यक्ति भनेपनि जनतासँग जोडिएको व्यक्ति सांसदहरु भएकाले उनीहरुलाई भरोसा गरेर सरकारले बजेट ल्याउनुपर्ने बताउनुभएको हो । बुधवार प्रतिनिधि सभा बैठकमा आगामी आर्थिक वर्षको बजेटको सिद्धान्त र प्राथमिकतामाथिको छलफलमा भाग लिँदै उहाँले योजना निर्माणमापनि सांसदहरुको सुझावलाई सम्बोधन गर्न सरकारको ध्यानाकर्षण गराउनु भयो ।
सांसद ज्वालाले सरकारले मुलुकको अर्थतन्त्रलाई माथि उठाउने र समृद्धिको चाहनालाई तीव्रता दिनेगरी बजेट ल्याउने अपेक्षासमेत गर्नुभयो । उहाँले प्रधानमन्त्री पुष्पकमल दाहालले नयाँ बजेट परम्परा तोडने खालको हुने भन्दै आउनुभएको उल्लेख गर्दै सोही अनुसार आउनेमा आफूहरु आशावादी रहेको पनि बताउनु भयो ।
उहाँले भन्नुभयो, ‘साँच्चीकै अर्थतन्त्रलाई उठाउने र मुलुकको समृद्धिलाई तीव्रता दिने गरी बजेट आउनुपर्छ भन्ने मेरो सुझाव छ । यही रोष्टममा उभिएर सम्माननीय प्रधानमन्त्रीज्यूले बजेट प्रणालीमा ठूलो चेन्ज ल्याउने प्रतिवद्धता व्यक्त गर्नुभएको छ । कुराले चिउरा भिज्दैन भन्ने नेपाली उखान छ । अव यस पटक बजेटले परम्परा तोडने छ । र, बजेटमा नयाँ ब्रेक थ्रू हुनेछ भन्ने कुरामा पनि विश्वास राख्न चाहन्छु । बजेट निर्माण प्रक्रियामा पनि समावेशी, जवाफदेही र पारदर्शी हुुनुपर्छ । बजेट निर्माण प्रक्रिया एकदमै अपारदर्शी छ । एकदम लुकाएर बजेट बनाउने, मन्त्रीहरुले पनि बजेट थाहा नपाउने गरी बजेट बनाउने अवस्था अन्त्य हुनुपर्छ । अर्थमन्त्रीसँग मेरो विशेष अनुरोध छ-बजेट निर्माणमा सांसदहरुलाई भरोसा गर्नुहोस् । सबै भन्दा नजिकका विज्ञ भनेपनि, सल्लाहकार भनेपनि, अनुभवी व्यक्ति भनेपनि जनतासँग जोडिएको व्यक्ति भनेका सांसदहरु हुन । सांसदहरुलाई विश्वास गरेर यो बजेट निर्माण प्रक्रिया अलि बढी ध्यान दिनुहुनेछ । र योजना निर्माणमा पनि सांसदहरुलाई सुझावलाई सम्बोधन गर्नुहुनेछ भन्ने म सुझाव दिन चाहन्छु ।’
सांसद ज्वालाले बजेट पारदर्शी ढंगले ल्याउन पनि सरकारलाई सचेत गराउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच