काठमाडौं । साउदी प्रो लिगमा अल नासरका क्रिस्टियानो रोनाल्डोले फेरि अर्को हृयाट्रिक गर्नुभएको छ । उहाँले लगातार दोस्रो खेलमा हृयाट्रिक गर्नुभएको हो । रोनाल्डोको हृयाट्रिकको मद्दतमा अल नासरले अभालाई ८-० ले हराएको छ । उहाँले पहिलो हाफमा नै हृयाट्रिक पूरा गर्नुभएको थियो । यसअघिको खेलमा पनि रोनाल्डोले हृयाट्रिक गर्नुभएको थियो । जारी सिजनमा रोनाल्डोको यो तेस्रो र समग्रमा ६५औँ हृयाट्रिक हो ।
त्यस्तै, टोलीका लागि अब्दुलाजिज अल अलिवाले २ तथा साडियो माने, अब्दुल्माजिद अल सुलइहिम र अब्दुल रहमान घारिबले एक गोल गर्नुभयो । अंक तालिकाको दोस्रो स्थानमा रहेको अल नासरको २६ खेलमा ६२ अंक पुगेको छ । टोली शीर्षस्थानको अल हिलालको समान खेलमा ७४ अंक छ ।
यस्तै, उपाधि नजिक रहेको अल हिलालले साउदी प्रो लिगमा अल-अखदौदलाई पराजित गरेको छ । किंगडम एरेनामा मंगलबार राती सम्पन्न खेलमा घरेलु टोली हिलालले अखदौदलाई ३-० गोल अन्तरले पराजित गरेको हो । हिलालको जितमा सालेह अल–शेहरी, माल्कम र सालेम अल-डावसरीले १/१ गोल गर्नुभयो ।
जितसँगै शीर्ष स्थानमा रहेको हिलालको २६ खेलबाट ७४ अंक पुगेको छ । दोस्रो स्थानमा रहेको अल-नासरको भने ६२ अंक रहेको छ । पराजित अखदौद समान खेलबाट २४ अंक जोड्दै १५औँ स्थानमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच