नयाँदिल्ली । इण्डियन प्रिमियर लिग (आइपिएल) क्रिकेटमा कोलकाता नाइट राइडर्सले अपराजित यात्रा कायमै राखेको छ । बुधबार राती सम्पन्न खेलमा केकेआरले तेस्रो जित हात पारेको हो । आइपिएल इतिहासकै उच्च स्कोर बनाउनबाट ६ रनले चुकेको कोलकाताले दिल्ली क्यापिटल्सलाई १०६ रनको फराकिलो अन्तरले पराजित गरेको हो । टस जितेर पहिले ब्याटिङ गरेको कोलकाताले निर्धारित २० ओभरमा ७ विकेट गुमाएर २७२ रन बनाएको थियो । जुन आइपिएल इतिहासको दोस्रो सर्वाधिक उच्च स्कोर हो । यसअघि यही संस्करणमा मुम्बई इण्डियन्सविरुद्ध हैदरावादले २७७ रन बनाएको थियो । २७३ रनको विशाल लक्ष्य पछ्याएको दिल्ली क्यापिटल्स १७.२ ओभरमै अलआउट हुँदै १६६ रनमा समेटियो ।
हालसम्म खेलिएका तीनै खेलमा केकेआरले जित हात पारेको छ । केकेआरले पहिलो खेलमा सनराइजर्स हैदरावादलाई चार रनले हराएको थियो । दोस्रो खेलमा केकेआरले रोयल च्यालेन्जर्स बैंग्लोरलाई सात विकेटले हराएको थियो ।
हालसम्म सम्पन्न खेलमा केकेआर अपराजित दोस्रो टोली हो । अंक तालिकाको दोस्रो स्थानमा रहेको राजस्थान रोयल्स पनि अपराजित छ । राजस्थान रोयल्सले हालसम्म खेलेका तीनै खेलमा जित हात पारेको छ । राजस्थान रोयल्सले पहिलो खेलमा लखनउ सुपर जायन्ट्सलाई २० रनले हराएको थियो । दोस्रो खेलमा दिल्ली क्यापिटललाई १२ रनले हराएको रोयल्सले तेस्रो खेलमा मुम्बई इण्डियन्सलाई ६ विकेटले पराजित गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच