![आठ महिनामा सात लाख पर्यटक](https://ehimalayatimes.com/wp-content/uploads/2023/12/Punhill-tourist-Hita.jpg)
काठमाडौं । नेकपा एमालेका अध्यक्ष केपी शर्मा ओलीले कान्तिपुर मिडिया ग्रुपका अध्यक्ष कैलाश सिरोहिया पक्राउ पर्नुलाई गलत व्याख्या गर्न नहुने बताउनु भएको छ ।
झापामा बुधबार सञ्चारकर्मीलाई प्रतिक्रिया दिँदै उहाँले सिरोहिया पक्राउमा ‘ह्यु एण्ड क्राई’ गर्नुपर्ने विषय नभएको बताउनु भएको हो ।
‘जस्तो ह्यु एण्ड क्राई भन्छन् नि त्यो भइराखेको छ। त्यो गर्नुपर्ने जस्तो विषय लाग्दैन मलाई। विवादको विषय हुन सक्छ। जन्मकैद गर्न खोजेको होइन।' उहाँले भन्नुभयो, ‘पत्रकारमाथि फौजदारी अभियोग छ र ? मिडिया हाउसको प्रमुखमाथि बेग्लै मुद्दा छ। किन यस्तो समाचार प्रकाशित गर्यो ? किन यस्तो बोल्यो भन्ने विषय त होइन। विषय अर्कै छ। फौजदारी कुरा होला। यस सम्बन्धमा सरकारले छानबिन गर्नुपर्ने देख्यो।’ ‘कोही समाउँदाखेरि, मन्त्री समाउँदा, उपप्रधानमन्त्री समाउँदा अनेक हुँदाखेरी हल्लिन, कराउन, दुनियाँ गर्न नपर्ने ? डेमोक्रेसी कसरी खतरामा परिहाल्यो त ? एकजना मिडिया हाउसका मानिस गिरफ्तार भए ? सही हो या गलत म त्यता जान चाहन्नँ। टाइमिङ ठीक भयो कि भएन त्यो बेग्लै कुरा होला तर डेमोक्रेसी नै खतरा परिहाल्यो त ? के अब सञ्चारका हक खोसिएकै हुन् त ? यस्तो गलत व्याख्या उपयुक्त हुँदैन। जे यथार्थ हो त्यही गर्नु राम्रो हुन्छ’।
उहाँले थप्नुभयो, ‘के लेखेको भरमा पक्राउ पुर्जी जारी गरेको ? के लेखेको आरोप उनीमाथि लागेको हो ? के छ ? मलाई त्यति थाहा भएन । के लेखेको विषयमा भनेको छ सरकारले ? के लेखेको विषयमा गिरफ्तारी भनेको छ सरकारले ? त्यस्तो गलत व्याख्या उपयुक्त हुँदैन । देशमा सबै कानूनका मातहतमा छन् भन्ने कुरा बुझ्नु र मान्नुपर्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच