काठमाडौं । सिटिजन्स बैंकले आफ्ना ग्राहकसँगको संलग्नता बढाउन पार्टनर फर प्रोग्रेस नामक फेसबुक भिडियो प्रतियोगिताको आयोजना गरेको छ । व्यक्तिगत वा व्यावसायिकरूपमा प्रगतिमा साथ दिने र जीवनमा सकारात्मक परिवर्तन ल्याउन योगदान पुर्याउने व्यक्ति वा संघसंस्थालाई सबैमाझ चिनाउने र सम्मान गर्ने उद्देश्यले बैंकले प्रतियोगिता आयोजना गरेको हो ।
बैंकका अनुसार भिडियो प्रतियोगिताको उद्देश्य भनेको साथी, आफन्त वा परिवारजनको जोकोही सदस्य वा कुनै संघसंस्था हुनुहुन्छ, प्रगतिको साथी उहाँको साथमा एक भिडियो बनाई जीवनमा सकारात्मक परिवर्तन ल्याउन एक पार्टनरको भूमिका कत्तिको महत्वपूर्ण रहन्छ भन्ने प्रस्ट्याउने हो ।
एक आमव्यक्तिको पनि वास्तविक जीवनको सफलताको कथा अरूलाई प्रेरणाको स्रोत बन्न सक्ने भएकाले भिडियो प्रतियोगिताले धेरैलाई प्रेरित गर्ने विश्वास बैंकले लिएको छ । आफ्नो प्रेरणादायक कथा छोटो मोबाइल भिडियो वा फेसबुक रिलको रूप दिएर प्रतियोगितामा समावेश हुन सकिन्छ ।
एक मिनेटसम्मको भिडियो बनाएर फेसबुकमा अपलोड गरी सिटिजन्स बैंकको फेसबुक पेजलाई ट्याग गर्नुपर्नेछ । साथै सो भिडियो पब्लिक हुनुपर्नेछ । प्रतियोगितामा उत्कृष्ट हुने प्रथम, द्वितीय र तृतीय भिडियोलाई नगद पुरस्कार क्रमशः ५० हजार, ३० हजार र २० हजार रुपैयाँ प्रदान गरिने बैंकले जनाएको छ । प्रतियोगिता जेठ महिनाभर सञ्चालन हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच