![के माधव नेपालको पार्टी फुट्दै छ ?](https://ehimalayatimes.com/wp-content/uploads/2024/07/Madhav-Nepals-party-is-breaking-up-Hita-fornt-page.jpg)
झापा । वरिष्ठ लोकगायक एलपी जोशी (लक्ष्मीप्रसाद जोशी)को ८८ वर्षको उमेरमा निधन भएको छ । ख्यातिप्राप्त लोकगायक जोशी झापाको दमक नगरपालिका १ फाल्गुनचोकमा जेठा छोरा मिलनसँग बस्दै आउनु भएको थियोे । तीनदिन अघिदेखि अस्वस्थ उहाँको दमक अस्पतालमा दमकमा उपचारका क्रममा निधन भएको हो।
एलपी जोशी विक्रमसम्वत् १९९३ सालमा बुबा सुवेदार कृष्णमान र विष्णुकुमारीका कोखबाट धनकुटामा जन्मनु भएको थियो। चित्रकला, साहित्य र नाट्य क्षेत्रमा पोख्त उहाँ लोकगायकका रूपमा प्रख्यात हुनुहुन्थ्यो । लक्ष्मीपूजाका दिन जन्मनु भएकोले उहाँको नाम लक्ष्मीप्रसाद राखिएको थियो ।
जोशीका रिटिङ रिटिङ नबजाऊ बिनायो, ओल्लो खोलो पल्लो खोलो, खिपीमा खिपी विनायो बाजा, बाँसैको झ्याङमा चरी लै लै, निगालो घारीमा च्याखुरी नाच्यो ! कान्छी मट्याङ–ट्याङ, कमिलोको गोलो, सान्नानी, आक्काका, आत्थाथा ! के को माला नि, सुपारीको माला नि ललै ... लगायत दर्जनौँ लोकभाका प्रख्यात छन् ।
विभिन्न सम्मान तथा पुरस्कर प्राप्त गर्नु भएको जोशीले नेपाली जनजनको मनमा छाप बनेर बसेका कालजयी गीत नेपाली लोक गायन क्षेत्रलाई दिएर भौतिक रूपमा अस्ताउनु भएको हो ।
नेपाली माया नेपालै कस्तो बोलको पहिलो गीत २०१३ सालमा रेडियो नेपालबाट रेकर्ड भएपछि उहाँको सांगीतिक यात्रा सुरु भएको थियो । २००८ सालमा नृत्य क्षेत्रमा प्रवेश गर्नु भएको जोशी २० १० सालमा चित्रकला, २०१३ सालमा गायन र २०१६ सालमा साहित्य क्षेत्रमा प्रवेश गरेरका थिए ।
उहाँले २०१९ सालमा राष्ट्रव्यापी लोकगीत सम्मेलनमा तत्कालीन राजा महेन्द्रबाट स्वर्ण पदक पाउनु भएको जोशीले दर्जनौं सम्मान पाउनु भएको छ ।
लोकगीत संगीतकै क्षेत्रमा योगदान पुर्याएवाप २०२२ र २०२९ सालमा उत्कृष्ठ लोक गायक सम्मान, २०६७ सालमा संगीत तथा नाट्य प्रज्ञा प्रतिष्ठान सम्मान, २०६२ सालमा वाणि प्रकाशन जस्ता ख्याति प्राप्त संघसंस्थाहरुबाट सम्मान पाउनु भएको छ ।
उहाँकी श्रीमती विन्दा र कान्छा छोरा पुजनको यसअघि नै निधन भइसकेको दमकका युवा सामाजिक अगुवा शंकर बस्नेत बताउनुभयो ।
![मौद्रिक नीति आज आउँदै](https://ehimalayatimes.com/wp-content/uploads/2024/01/Nepal-Rastra-Bank-2-hita.jpg)
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच