काठमाडौं । चलचित्र ‘अग्निदहन’को फर्स्टलुक पोष्टर सार्वजनिक गरिएको छ । काठमाडौंमा एक कार्यक्रमबीच मंगलबार सञ्चार तथा सूचना प्रविधिमन्त्री पृथ्वीसुब्बा गुरुङले चलचित्रको पोष्टर सार्वजनिक गर्नुभएको हो ।
पोष्टर सार्वजनिक पछि कार्यक्रममा आफ्ना भनाइ राख्दै मन्त्री गुरुङले ‘बोक्सी’को अन्धविश्वासविरुद्ध चलचित्र निर्माण गरिनु राम्रो काम भएको बताउनुभयो । चलचित्रका निर्देशक घनश्याम लामिछानेले समाजमा जकेडिएर रहेको डरलाग्दो विषयलाई चलचित्रमार्फत उठान गरिएको सुनाउनुभयो । चलचित्रमा थ्रिल र सस्पेन्स रहेको उहाँको भनाइ थियो ।
चलचित्र साहित्यकार तथा पत्रकार लोकमणि पौडेलको उपन्यास ‘अग्निदहन’मा आधारित रहेर निर्माण गरिएको हो ।
चलचित्रका परिकल्पनाकार कोविदशरण उपाध्यायले चलचित्रलाई तराईका जिल्लामा प्रदर्शन गराउन मैथिली र भोजपुरी भाषामा समेत डबिङ गरिएको जानकारी गराउनुभयो । उहाँका अनुसार चलचित्र अंग्रेजी भाषामा पनि सबटाइटल गरिएको छ । वितरक अशोक शर्माले सामाजिक सन्देश भएका यस्ता चलचित्रमा सरकारको पनि सहभागिता हुन आवश्यक धारणा राख्नुभयो ।
चलचित्रमा प्रकाश घिमिरे, प्रमिला तुलाचन, माओत्से गुरुङ, अनुपमा भण्डारी, तुलसी क्षेत्री, विष्णु वास्तोला, ताराबहादुर गुरुङलगायत कलाकारको अभिनय छ । लोकमणि पौडेलको कथा, पटकथा र संवाद, कोविदशरण उपाध्यायको परिकल्पना, परिच्छेद सेनको मुख्य सहायक निर्देशन छ ।
चलचित्रलाई पूर्वराष्ट्रपति विद्यादेवी भण्डारी, प्रधानमन्त्री केपी शर्मा ओली, निवर्तमान प्रधानमन्त्री पुष्पकमल दाहाल ‘प्रचण्ड’ले हेरिसक्नुभएको छ । चलचित्र विकास बोर्डले ‘विशेष चलचित्र अवार्ड’समेत दिइसकेको यो चलचित्र मंसिर ७ गतेदेखि सिनेमाघरमा आउँदै छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच