इटहरी । चलचित्र निर्माता तथा नेपाल चलचित्र विकास बोर्डअन्तर्गत आदिवासी जनजाति मातृभाषी चलचित्र प्रवद्र्धन समितिका संयोजक ज्योतिराज राईले ‘सातौँ बेलबारी आरजु राइस अन्तर्राष्ट्रिय आमन्त्रण गोल्डकप’का लागि दुई तोला सुन र दुई किलो ५०० ग्राम चाँदी जडित रनिङ ट्रफी प्रदान गर्नुभएको छ । इटहरीको बेलबारीमा आयोजित एक विशेष समारोहबीच उहाँले गोल्डकपका लागि रनिङ ट्रफी आफैंले निर्माण गरेर आयोजकलाई प्रदान गर्नुभएको हो । एलएक्ससिटी फुटबल क्लब अध्यक्ष विक्रम बान्तवा राई र बेलबारी नगरपालिकाका मेयर दिलप्रसाद राईले ट्रफी बुझ्नुभएको थियो ।
निर्माता राईले उक्त ट्रफी आफ्ना स्व. बुबा मेजर एन.बि. रुङमाहाङ राईको स्मृतिमा निर्माण गरिएको हो । ट्रफी निर्माणमा उहाँलाई परिवारका सदस्य पोपिराज राई, पवित्रा राई, सरला राई र नानु राईले साथ दिनुभएको छ ।
कार्यक्रममा राईले ट्रफी तयार गर्न करिब आठ लाख रुपैयाँ लागेको जानकारी गराउनुभयो । ‘खेलाडीहरूको हौसलाका लागि मैले ट्रफी बनाएको हो,’ राइले भन्नुभयो, ‘आगामी दिनमा पनि जे सक्छु खेलाडीको हौसलाका लागि सहयोग गर्छु ।’ उहाँले २०४८/०४९ सालमा आफ्ना बुबाको नाममा नकआउट फुटबल खेल आयोजना गरेको स्मरण गर्नुभयो ।
निर्माता राईबाट प्राप्त ट्रफी तीन पटक लगातार विजेता बन्ने टोलीलाई ट्रफीको मूल्य अनुरूपको रकम प्रदान गर्ने आयोजकले जनाएको छ ।
कार्यक्रममा ट्रफी बेलबारी नगरपालिकाका मेयर दिलप्रसाद राई र निर्माता राईको हातबाट अनावरणसमेत गरिएको थियो ।
‘सातौँ बेलबारी आरजु राइस अन्तर्राष्ट्रिय आमन्त्रण गोल्डकप’ मोरङको बेलबारी नगरपालिका-११ लक्ष्मी खेल मैदानमा यही असोज ११ गतेदेखि १९ गतेसम्म आयोजना हुँदैछ । प्रतियोगिताको आयोजना एलएक्ससिटी फुटबल क्लबले गर्दैछ । खेलकुदले स्थानीय खेलाडी र खेलकुदप्रेमीलाई प्रोत्साहन प्रदान गर्ने विश्वास गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच