काठमाडौं । रामलक्ष्मण इनोभेसन्सले नेपालमै उत्पादन गरेको निर्वाचनका लागि विद्युतीय मतदान यन्त्र (इ-भोटिङ मेसिन) सार्वजनिक गरेको छ । मंगलबार सार्वजनिक गरिएको उक्त इ-भोटिङ मेसिन पाँचौँ संस्करण हो ।
करिब एक दशकअघि नेपालमै उत्पादित इ-भोटिङ मेसिनले हालसम्म एक सयपटकभन्दा बढी राजनीतिक दल, विभिन्न संघ÷संस्थालगायतका निर्वाचन सफलतापूर्वक सम्पन्न गरिसकेको रामप्रसाद रिमालले बताउनुभयो । तर, मेसिन बनाएको १० वर्षसम्म पनि निर्वाचन आयोगले भने बेवास्ता गरेको रिमालको गुनासो छ । प्रस्ताव लिएर जाँदा आयोगले पार्टीहरूसँग सल्लाह गर्न सुझाव दिएअनुसार पार्टीहरूमा कुरा राख्न गए पनि कुनै प्रगति नभएको रिमालले बताउनुभयो । नेपालको अवस्था हेरेर मेसिन निर्माण गरिएको रामलक्ष्मणको भनाइ छ ।
मेसिनमा मतपत्रमा देखिने सबै कुरा डिजिटल डिस्प्लेमा देखिने, नेपाली भाषामा बोल्ने, आँखा नदेख्ने र कान नसुन्नेले पनि सुनेर मतदान गर्न सकिने, कुनै पनि मत बदर हुन नसक्ने रिमाल दाजुभाइको जिकिर छ । लक्ष्मणप्रसाद रिमालले आगामी चुनावमा एक व्यक्तिले चारवटा मतपत्रमा चिहृन लगाउनुपर्ने भएकाले समय बढी लाग्ने तर इ-भोटिङ मेसिनमा औंलाले दबाउने भएकाले छिटो हुने दाबी गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच