काठमाडौं । गीतकार चन्द्र प्रसाईं ‘परिष्कृत’को नयाँ गीत ‘किन हुँदैन’ सार्वजनिक भएको छ । सुगम पोख्रेल र संगीता प्रधानको स्वर, शाहस शाक्यको संगीत तथा संगीत संयोजन रहेको राष्ट्रिय भावनाले भरिएको गीतको भिडियो सार्वजनिक भएको हो ।
गीतको मूल मन्त्र भनेको स्वदेश वा विदेश जाँहाबाट पनि नेपालको हितमा काम गर्न सकिन्छ भन्ने हो । गीतमा गीतकार परिष्कृतले नेपाललाई माया गर्न र गर्यो भने देशमै सबै सम्भव भएको भावना ब्यक्त गर्नुभएको छ । देश सफल र सबल हुनका लागि एकतामा अडेको दिगो विकास आवस्यक रहेको गीतमा भनिएको छ ।
गीतको आलाप आरसी रिमालले गाउनुभएको छ र कोरसमा शाहस शाक्य, आरसी रिमाल र सौगात खनालले साथ दिनुभएको छ । सुरेन्द्र बसेलेको निर्देशन रहेको गीतको भिडियोमा गायक सुगम पोखरेल, ल्यांग्र्री दादा, सीता सुवेदीको मुख्य अभिनय छ । दिनेश पराजुलीको छायांकन रहेको भिडियोमा नवीन निरौलाको सम्पादन छ । भिडियोको प्रोडक्शन हेड सरोज पोखरेल हुनुहुन्छ, भने निर्माता तेजी प्रसाईं रहनुभएको छ ।
भिडियोमा देशको गौरवको रूपमा रहेको विभिन्न कलासंस्कृतिसमेत प्रस्तुत गरिएको छ । गीतकार संघ नेपालका आजिबन सदस्य गीतकार प्रसाईंकै च्यानल प्रसाईं सन इन्टरटेनमेन्ट टुयुट्बमार्फत गीतको भिडियो सार्वजनिक भएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच