क्यानेबरा । अष्ट्रेलियाले आफ्ना देशमा रहेका हजारौं शरणार्थीलाई आवासीय अनुमति दिने भएको छ । अष्ट्रेलियाका अध्यागमन मन्त्री एन्ड्रयु जाइल्सले केही अस्थायी भिसा बाहकका लागि स्थायी भिसाको मार्ग प्रशस्त गर्ने घोषणा गर्नुभएको हो । जाइल्सले लेबर सरकारको चुनावी प्रतिबद्धता पूरा गर्दै सन् २०१३ भन्दा अघि डुंगाबाट अष्ट्रेलिया आएका करिब १९ हजार शरणार्थीलाई दुई प्रकारका अस्थायी भिसामा स्थायी बसोवासका लागि निवेदन दिने अनुमति दिइने बताउनुभएको हो ।
यो प्रावधानले शरणार्थीलाई सामाजिक, स्वास्थ्य सेवा, राष्ट्रिय अशक्तता बीमा योजना, उच्च शिक्षाका लागि ऋणलगायत सुविधामा पहुँच प्रदान गर्ने भएको छ । नागरिकताका लागि पनि मार्ग प्रशस्त गर्ने बताइएको छ । जसले उनीहरूलाई अष्ट्रेलियामा तत्काल परिवार ल्याउन अनुमति दिनुका साथै काम गर्ने, कर तिर्ने, व्यवसाय सञ्चालन गर्ने अनुमति दिनेछ । यो घोषणाले अष्ट्रेलिया प्रवेश गरेका शरणार्थीलाई ठूलो राहत मिलेको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच