काठमाडौं । निरन्तर घट्दो क्रममा रहेको सेयर बजार साताको पहिलो दिन आइतबार दोहोरो अंकले घटेको छ । नेप्से १८.८० अंकले घटेर १८८५.६० अंकमा झरेको हो । यस दिन दुर्ई सय ६५ कम्पनीका २७ लाख ३४ हजार तीन सय सात कित्ता सेयर ८२ करोड ८५ लाख ३४ हजारमा कारोबार भएकोमा होटल तथा पर्यटन समूहको ११.०७ अंकले बढेको छ भने बाँकी सबै समूहको घटेको छ । जीवन बीमा समूहको ११८.७४ अंकले घटेको छ भने विकास बैंक समूहको ३५.९८, बैंकिङ समूह १६.७१, वित्त समूह ३२.३०, जलविद्युत् समूह २७.९४, लगानी समूह ०.५२ र उत्पादन तथा प्रशोधन समूह १४.३९ अंकले घटेको छ ।
त्यस्तै, लघुवित्त समूह २९.०८, म्युचुअल फण्ड ०.०१, निर्जीवन बीमा समूह २९.५४, व्यापार समूह ३१.२३ र अन्य समूह १.९९ अंकले घटेको छ । सनराइज ब्लुचिप फण्ड, आदर्श लघुवित्त वित्तीय संस्था र कालिञ्चोक दर्शनको सेयर मूल्यमा भने सकारात्मक सर्किट लागेको छ । तर, सनराइज फोकस्ड इक्विटी फण्डको सेयर मूल्यमा नकारात्मक सर्किट लागेको छ ।
कारोबार रकम र सेयर संख्याका आधारमा सबैभन्दा धेरै मोलुङ हाइड्रोपावर कम्पनीको तीन करोड ११ लाख ९५ हजार बराबरका एक लाख २० हजार पाँच सय १२ कित्ता सेयर खरिदबिक्री भएको नेपाल स्टक एक्सचेन्ज(नेप्से)ले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच