रूपन्देही । रूपन्देहीको रोहिणी गाउँपालिका-४ स्थित छिपागढमा हाईमास्ट लाइट(सडक बत्ती) जडान भएको छ । उक्त लाइटको बिहीबार रोहिणी गाउँपालिकाका अध्यक्ष विद्याप्रसाद यादवले उद्घाटन गर्नुभएको हो । यसअघि रोहिणी-३ स्थित धकधई र रोहिणी-२ स्थित बैकुण्ठपुरमा हाईमास्ट लाइट जडान भइसकेको गाउँपालिका अध्यक्ष यादवले बताउनुभयो । ‘उज्यालो रोहिणी’ अभियानअन्तर्गत लाइट जडान गरिएको हो ।
गाउँपालिकामा भौतिक पूर्वाधार निर्माण, शिक्षा, स्वास्थ्यलगायतका क्षेत्रमा काम अघि बढेको उहाँले बताउनुभयो । हाईमास्ट लाइट जडानपछि रोहिणी-४ का स्थानीयवासीले खुसी व्यक्त गरेका छन् । उनीहरूले गाउँपालिका अध्यक्ष यादवको नेतृत्वमा राम्रो काम भएको भन्दै प्रशंसासमेत गरेका छन् ।
जय माँ काली युवा क्लब रोहिणी-४ का अध्यक्ष अमरनाथ पाण्डेले गाउँपालिका अध्यक्ष विद्याप्रसाद यादवको अगुवाइमा राम्रो काम भएको बताउनुभयो । उहाँले भन्नुभयो, ‘हाईमास्ट लाइट जडानपछि दुर्घटना न्यूनीकरण हुन्छ, रातीको समयमा यात्रामा समेत सहयोग पुग्छ । राम्रा काममा हामी सहयोग गर्छौं ।’ स्थानीय मोहम्मद रजा पठानले हाईमास्ट लाइट जडानपछि ‘उज्यालो रोहिणी’ अभियानमा सहयोग पुगेको बताउनुभयो । स्थानीय रामकिसुन यादवले हाईमास्ट लाइट जडानपछि दुर्घटना न्यूनीकरण हुने भन्दै गाउँपालिका अध्यक्ष यादवलगायत सहयोगी सबैलाई धन्यवाद दिनुभयो ।
समाजसेवी तथा रोहिणी-४ का सञ्जय गुप्ताले भैरहवा-परासी सडकखण्डअन्तर्गत छिपागढमा हाईमास्ट लाइट जडान हुनु विकासको नमुना भएको बताउनुभयो । उहाँले भन्नुभयो, ‘छिपागढ रोहिणीको मुटु हो । सुरक्षाका दृष्टिकोणले पनि यो लाइट महत्वपूर्ण छ ।’
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच