काठमाडौं । रामेछाप जिल्लालगायत अन्य ३२ वटा जिल्लामा प्रचलित भाकालाई समेटेर बनाइएको मकै बाली गोड्दा किसानले गाउँने ‘रामदली’ नामक एक प्रकारको गीत अहिले लोप हुँदै गएको छ । पछिल्लो युवा पुस्ता विदेश पलायन हुँदै जानु र कृषिमा आधुनीकरणले छाउँदै गएपछि रामदली भाकाले चिनिने गाउँले घाँसेगीत पनि लोप हुँदै गएको छ ।
आदिवासी/जनजाति समुदायले विशेष गरेर सामूहिक रूपमा मैकै बाली गोड्दा वैशाख तथा जेठ महिनामा गाइने एक प्रकारको गीत हो रामदली । पहिला पहिला धेरै मकै गोड्ने काम पर्दथ्यो र धेरै जाना जम्मा भएर रामदली खेलाइन्थ्यो, ‘यही हो रामदल’ भनेर समूहले एकै स्वरमा गाइने रामदलीको आफ्नै मौलिता र पहिचान छ ।
नेपाली कला संस्कृतिको जगेर्ना गर्ने उद्देश्यले मौलिक परम्परामा आधारित गीत ‘रामदली मकै गोड्ने भाका’को भिडियोसहित पर्फोर्मिंग आर्ट क्रियशनले सार्वजनिक गरिएको छ ।
गीतमा दीपक लाखे र अञ्जना सारु मगरको स्वर छ भने शब्द तथा संगीत दीपककै छ । कमल एक्चै मगरले निर्देशन तथा सम्पादन गरेको भिडियोलाई रामेछाप जिल्लाको रामेछाप नगरपालिकामा छायांकन गरिएको हो । चक्रबहादुर महर्जनले छायांकन गरेको भिडियोमा ड्रोन पाइलट मृगेन्द्रराज भण्डारी हुनुहुन्छ । भिडियो पर्फोर्मिंग आर्टको अफिसियल च्यानलमार्फत सार्वजनिक गरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच