स्याङ्जा । स्याङ्जाको आँधीखोला गाउँपालिकाले आज साउन १ गतेबाट सडक छेउमा वृक्षारोपण प्रारम्भ गरेको छ ।
नयाँ आर्थिक वर्षको शुभारम्भ वृक्षारोपणबाट गरिएको छ । वृक्षारोपण शुभारम्भ कार्यक्रममा उप्रमुख, वडाध्यक्ष, विभिन्न जनप्रतिनिधिहरु, कार्यालयका कर्मचारी, नागरिक समाज लगायत समुदायका विभिन्न व्यक्तिको उपस्थिति रहेको पालिकाका सूचना प्रविधि अधिकृत रोशन लामिछानेले बताउनुभयो ।
नागडाँडा–कार्कीनेटा सडक खण्ड अन्तर्गत सेतीदोभान पुलदेखि बाटोको दुवै साइडमा वृक्षारोपण गरिने गाउँपालिकाका अध्यक्ष विश्व पौडेलले बताउनुभयो । उहाँले अब नयाँ बन्ने भित्री सडकहरुमा समेत सडकको दुवै छेउमा वृक्षारोपण गरिने बताउनुभयो । उहाँले हिमालय टाइम्ससँग कुराकानी गर्दै भन्नुभयो, ‘पर्यावरणीय सन्तुलन र सडक सुन्दरताका लागि हामीले वृक्षारोपणलाई आजबाट शुभारम्भ गरेका छौं ।’
गुलमोर, कल्की, वर, पिपल लगायत विभिन्न जातका बिरुवाहरु रोपिएको अधिकृत कृष्ण पोखरेलले जानकारी दिनुभयो । जिल्ला वन कार्यालयले वृक्षारोपणका लागि बिरुवा उपलब्ध गराएको उहाँले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच