काठमाडौं । चलचित्र ‘सतीदेवी’को फर्ष्टलुक पोष्टर सार्वजनिक गरिएको छ । बिहीवार हरिबोधिनी एकादशीको अवसर पारेर सार्वजनिक गरिएको पोष्टरमा शीर्ष कलाकार अभिनेत्री मलिका महतलाई प्रस्तुत गरिएको छ ।
जुत्ताको माला र गालामा कालो मोसो दलेको अवस्थामा दौडिरहेकी उहाँलाई केही युवाहरूले लखेटिरहेको पोष्टरमा देखिन्छ । लक्ष्मण सुवेदीको लेखन, निर्माण एवं निर्देशन रहेको चलचित्र महिलालाई केन्द्रमा राखेर निर्माण गरिएको नामबाटै पनि बुझ्न सकिन्छ ।
यो सामाजिक चलचित्रमा मलिकाका साथमा हर्षिका वली र मञ्जिला बानियाँ (बाल कलाकार), सन्दीपबाबु लोहनी, रमेश बुढाथोकी, कुलदीप अधिकारी, भोला सापकोटा, सिर्जना अधिकारी, सुजिता शिवाकोटी, सन्देश लिम्बू, मनिषा सापकोटालगायतको अभिनय छ ।
दिलासा, सारा र श्रीदेवी सुवेदी निर्माता रहेको चलचित्रको प्रदर्शन मिति छिट्टै घोषणा गरिने जनाइएको छ । बाबु श्रेष्ठको छायांकन रहेको चलचित्रलाई तारा थापा ‘किम्भे’ले सम्पादन गर्दै हुनुहुन्छ । गोल्डेन स्टेट मुभी मेकर्स एलएलसी क्यालिफोर्नियासँगको सहकार्यमा दिलासा क्रियशन प्रालिको प्रस्तुतिमा चलचित्र बनेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच