काठमाडौं । शिखर इन्स्योरेन्स कम्पनीले २० दिनमै भूकम्पबाट भएको क्षतिको दाबी भुक्तानी गरेको छ । कम्पनी भूकम्पबाट क्षति पुर्याएका बीमितलाई छोटो समयमै दाबी भुक्तानी गर्न सफल भएको हो ।
भूकम्पको भोलिपल्टै घटनास्थलमा सर्भेयर खटाई कम्पनीले द्रुत गतिमा क्षति मूल्यांकनको काम सुरु गरेको थियो । भूकम्पपीडित बीमितको निवेदन आउनुभन्दा अगाडि नै कम्पनीले बीमितलाई क्षति मूल्यांकनको काम सुरु गरेर नेपालको बिमा क्षेत्रमै उदाहरणीय काम गरेको कम्पनीको दाबी छ । शाखा कार्यालयका कर्मचारी तथा कम्पनीले खटाएका सर्भेयरले पहिलो चरणमा बीमितसँग आवश्यक समन्वय गरेर न्यूनतम कागजात जुटाउनुका साथै दाबी रकम यकिन गरिएको थियो ।
विषम परिस्थितिमा पनि शाखा कार्यालय तथा सर्भेयरको सक्रियतामा क्षति संख्याको ९० प्रतिशत दाबी भुक्तानी भइसकेको कम्पनीका प्रमुख कार्यकारी अधिकृत दिपप्रकाश पाण्डेले जानकारी दिनुभएको छ । केही दाबी भुक्तानी बीमितका घाइते तथा मृत्यु भएका कारण आफन्त सम्पर्कमा आउन नसक्दा दाबी भुक्तानी हुन नसकेको कम्पनीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच