काठमाडौं । मधेस प्रदेशले केपी ओली कप टी-२० क्रिकेट प्रतियोगिताको उपाधि जितेको छ । त्रिभुवन आर्मी क्लबलाई ११ रनले हराउँदै मधेसले उपाधि जितेको हो । जितका लागि १ सय ३६ रनको मध्यम विजयी लक्ष्य पछ्याएको आर्मीले २० ओभरमा ७ विकेट गुमाउँदै १ सय २४ रनमात्रै बनाउन सक्यो । आर्मीका विवेक यादव १४ बलमा २ चौका र २ छक्कासहित २५ र सोमपाल कामी १५ बलमा १६ रनमा अविजित रहनुभयो ।
आर्मीका कप्तान विनोद भण्डारीले ३० बलमा ५ चौकासहित सर्वाधिक ३२ रन बनाउनुभयो । आर्मीले ओपनर सन्तोष कार्कीलाई पाँचौं ओभरको चौथो बलमा गुमाएको थियो । कार्कीले १३ बलमा ३ चौका प्रहार गर्नुभयो । रोहित पौडेल ५ रनमा क्याच आउट हुनुभयो ।
११औं ओभरको पहिलो बलमा हरिशंकर शाहले विनोद भण्डारीलाई पहिलो बलमा एलबीडब्लु आउट गर्नुभयोे । एक बलपछि बसिर अहमद पनि २ रनमा एलबीडब्लु आउट हुनुभयो । सोही ओभरको पाँचौं बलमा कुशल मल्ल शून्यमा बोल्ड भएपछि खेल मधेसको पक्षमा गएको थियो । आर्मीका भीम सार्की २१ बलमा २ चौका र १ छक्कासहित २२ रनमा आउट हुनुभयो ।
मधेसका हरिशंकर शाहले ४ ओभरमा १९ रन खर्चेर ४ विकेट लिनुभयो । प्रदीप पासवानले ४ ओभरमा २६ रन खर्चेर २ विकेट लिनुभयो । प्रतिक यादवले ३ ओभरमा १४ रन खर्चेर १ विकेट लिनुभयो ।
त्यसअघि पोखरा क्रिकेट रंगशालामा टस जितेर पहिला ब्याटिङ रोजेको मधेसले निर्धारित २० ओभरमा ८ विकेट गुमाउँदै १ सय ३५ रन बनाएको थियो । मधेसको जितमा तल्लोक्रमका ब्याटर विशाल पटेलले ३२ बलमा ३ चौका र ३ छक्कासहित सर्वाधिक ४९ रनको पारी खेल्नुभयो । ओपनर हरिशंकर शाह २१ बलमा ३ चौका र २ छक्कासहित २७, अनिलकुमार शाह ६, इमरान शेख ८, पवन सरार्फ ९, मयन यादव ३, हिमान्शु दत्त १४ र विशाल शुश्लिङ १० रनमा आउट हुनुभयो ।
आर्मीका साहब आलमले ३ ओभरमा ५ रन खर्चेर ३ विकेट लिनुभयो । विवेक यादवले ४ आभरमा ३० रन खर्चेर ३ विकेट लिनुभयो । सोमपाल कामी र बसिर अहमदले १-१ विकेट लिनुभयो । मधेसले समूह चरणमा पुलिसलाई नेटरनरेटले पछि पार्दै सेमिफाइनल खेलेको थियो ।
सेमिफाइनलमा नेपाल एपीएफ क्लबलाई हराउँदै फाइनलमा स्थान बनाएको थियो । मधेसले कुनै पनि प्रतियोगिता जितेको यो पहिलो पटक हो ।
मधेस प्रदेशका कप्तान हरिशंकर शाह सर्वोत्कृष्ट खेलाडी घोषित हुनुभयो । हरिले फाइनलमा आर्मीलाई हराउन २७ रन बनाउनुको साथै ४ विकेट लिनुभएको थियो । उहाँले प्रतियोगिताभर ४१ रन बनाउनुको साथै १० विकेट लिएका थिए । सर्वोत्कृष्टबापत उहाँले ३५ हजार प्राप्त गर्नुभयो ।
बागमती प्रदेशका कप्तान सन्दीप लामिछाने प्रतियोगिता उत्कृष्ट बलर चुनिनुभयो । सन्दीपले ३ खेलमा १० विकेट लिएका थिए । उता रित गौतम प्रतियोगिता उत्कृष्ट ब्याटर चुनिनुभयो । रितले तीन खेलमा २ अर्धशतकसहित कुल १ सय ७० रन बनाएका थिए । रित र सन्दीप दुबैले समान २० हजार रुपैयाँ प्राप्त गर्नुहुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच