काठमाडौं । २०औँ हस्तकला व्यापार मेला तथा १८औँ हस्तकला प्रतियोगिता बिहीबादेखि काठमाडौंको दरबारमार्गस्थित होटल अन्नपूर्णमा सुरु भएको छ । मेला उद्घाटन गर्दै राष्ट्रपति रामचन्द्र पौडेलले विदेशी मुद्रा आर्जन गर्ने प्रमुख वस्तुका रूपमा हस्तकला रहेको भन्दै हस्तकला प्रवद्र्धनमा जोड दिनुभयो । परम्परामा आधारित वस्तुलाई उपयोगितासँगै सौन्दर्य थप्दै लैजाने पद्धति हस्तकलाभित्र पर्ने भएकाले युवा पुस्तालाई पनि यसको सीप दिँदै नेपाली हस्तकला अन्तर्राष्ट्रिय बजारमा पुर्याउन व्यवसायीलाई सरकारले सहयोग गर्नुपर्ने उहाँले बताउनुभयो ।
उद्योग, वाणिज्य तथा आपूर्तिमन्त्री रमेश रिजालले निर्यात प्रवद्र्धन र आयात प्रतिस्थापन गरी मजबुत राष्ट्रिय अर्थतन्त्र बनाउन हस्तकला क्षेत्रको योगदान उल्लेखनीय रहेको भन्दै हस्तकला व्यवसायीलाई सरकार सहयोग गर्न प्रतिबद्ध रहेको बताउनुभयो । हस्तकलाले अन्तर्राष्ट्रिय क्षेत्रमा नेपालको पहिचान र गरिमा उच्च राख्दै हस्तकलाको माध्यमबाट देशको कला र संस्कृतिको प्रतिनिधित्व गर्ने उहाँको भनाइ थियो । मेला आयोजक नेपाल हस्तकला महासंघका अध्यक्ष प्रचण्ड शाक्यले मेलाबाट हस्तकलाका वस्तुको स्थानीय र अन्तर्राष्ट्रिय बजार प्रवद्र्धनमा सहयोग पुग्ने बताउनुभयो । मेलामा धातुकला, काष्ठकला, सुनचाँदी, सुर्ती एवं ढाकाका सामान, पश्मिना, छालाजन्य सामान, प्राकृतिक रेसालगायतका सामान राखिएको उहाँले जानकारी दिनुभयो । मेलामा तीन प्याभिलियनसहित करिब एक सय ३० स्टल रहेका छन् । पुस २ गतेसम्म सञ्चालन हुने मेला झण्डै एक लाखले अवलोकन गर्ने आयोजकको अपेक्षा रहेको छ ।
आयोजकका अनुसार मेला अवलोकनका लागि नेपालस्थित विभिन्न मुलुकका कूटनीतिक नियोगलगायत स्वदेश तथा विदेशका उच्चपदस्थ अधिकारीहरूलाई पनि आमन्त्रण गरिएको छ । मेलाका मुख्य आकर्षणमा एउटै छानामुनि हस्तकला वस्तुको बृहत् प्रदर्शनी तथा बिक्री, १८औँ हस्तकला प्रतियोगिता, मेड इन नेपाल, मेक इन नेपाल अवधारणाअनुरूप वस्तु प्रदर्शन, परम्परागत तथा नवोदित हस्तकलाको जीवन्त सीप प्रदर्शनी, अमूर्त सांस्कृतिक सम्पदा(आइसिएच)को उजागर, ज्येष्ठ वरिष्ठ कलाकार सम्मान, कला प्रदर्शनी, अग्रणी निर्यातकर्तालाई सम्मानलगायत रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच