सुष्मा महरा नेपालको सौन्दर्य व्यवसाय क्षेत्रमा अग्रणी नाम हो । उहाँ नेपालको सौन्दर्य क्षेत्रमा आफ्नै राजमार्गमा हिँडिरहनु भएको छ । विगत १६ वर्षदेखि सौन्दर्य व्यवसाय पेसामा निरन्तर आफूलाई अब्बल रूपमा प्रस्तुत गर्दै आउनुभएको छ महराले । फेसियल हाउसको मुख्य शाखा काठमाडौं मलमा रहेको छ भने अन्य शाखाहरू सिटिसी महल, चावहिल गणेशस्थान र पोखरा र सुर्खेतमा रहेका छन् । नेपालको नम्बर वान ब्युटी सैलुनको अवार्ड पनि फेसियल हाउसले प्राप्त गर्न सफल भएको छ । कुनै पनि क्षेत्रमा सफल हुनका लागि हिम्मत हार्न हुन्न भन्ने उहाँको बुझाइ छ । जीवनमा जन्मेपछि मृत्यु निश्चित छ त्यसैले बाँचुन्जेल राम्रो कर्म गर्नुपर्छ भन्ने धारणा राख्नुहुने उद्यमी/वरिष्ठ सौन्दर्यविद् सुष्मा महरासँग हिमालय टाइम्सका लागि गीता अधिकारीले गर्नुभएको संवादको संक्षिप्त अंश :-
हाल केमा व्यस्त हुनुहुन्छ ?
म आफ्नै व्यवसायमा व्यस्त छु । म श्रमिक पनि हो । आफ्नै व्यवसायमा रमाइरहेकी छु । उद्यमशिलताका लागि लागिरहन मन लाग्छ आफ्नै देशमा केही गरौँ भन्ने हुटहुटी छ ।
यहाँले यो क्षेत्रमा एक खालको उचाइ चुम्न सफल हुनुभएको छ, कस्तो लाग्छ फर्केर हेर्दा ?
मलाई के लाग्छ भने मिहिनेतले नै मान्छेलाई सफलतातर्फ डोर्याउँछ । तपाईं कुनै पनि क्षेत्रमा लगनशीलता र मिहिनेतका साथ काम गर्नुहोस् सफलता हात लाग्छ । यसमा परिवारको पनि साथ सहयोग हुन जरुरी छ । मलाई के लाग्छ भने मैले जुन सफलता पाएकी छु, त्यसको कारण मेरो परिवारलाई जान्छ, उहाँहरूको साथले सधैँ मलाई अगाडि बढ्न हौसला दियो । वि.सं. २०५५ सालमा एसएलसीसम्मको अध्ययन सकेपछि मलाई साथीहरूले ब्युटिसियनको तालिम लिन सल्लाह दिए । त्यतिबेला साथीहरूको सल्लाहमै म ब्युटिसियनको तालिममा सहभागी भए । परिवारले पनि ब्युटिसियन सिक्छुभन्दा हुन्छ भन्नुभयो मलाई झन् आत्मबल बढ्यो । ब्युटिसियन पनि सिकिरहेकी थिएँ, यता प्लस टुको अध्ययन पनि चलिरहेको थियो, त्यही समयमा मेरो बिहे भयो । बिहेपछि परिवार र श्रीमानले पूर्ण समर्थन गरेपछि ब्युटिसियन पेसा अँगालेँ । त्यो बेलाको समाजमा महिलालाई हेर्ने दृष्टिकोण नै फरक थियो । तर, मेरो परिवारमा छोराछोरी दुवैलाई एकै खालको व्यवहार हुन्थ्यो । परिवारमा मलाई के सिकाइन्थ्यो भने निडर हुनुपर्छ र आफैँ आत्मनिर्भर हुनुपर्छ, यसैले पनि मलाई काम गर्दा सधैँ रमाइलो लाग्थ्यो र गर्दै गएँ । सफल हुनका लागि हिम्मत हार्न हुन्न भन्ने मेरो बुझाइ छ । जीवनमा झन्भन्दा झन् चुनौतीहरू त आउँछन् तर ती चुनौतीसँग लड्दै अगाडि बढ्नुपर्छ । जीवनमा समस्याहरू आइरहन्छन्, तर डगमगाउनु हुँदैन । एकदिन संसारबाट जानु नै छ, आफ्नो कर्मलाई धर्म मान्दै अगाडि बढ्ने हो भने सबैका लागि राम्रो हुन्छ ।
हाम्रो देशमा सरकारले व्यवसायीलाई बाँच्न दिने वातावरण दिएको छैन । यो वातावरण दिनुपर्छ । दिनरात हामीले मिहिनेत गररहेका हुन्छौँ तर सरकारले देखेको पाइँदैन । व्यवसायीलाई व्यवसाय गर्ने वातावरण सरकारले दिलाउनुपर्छ ।
मानिसहरू कतिको सचेत छन् सुन्दरताप्रति ?
पछिल्लो समयका मानिसमा सुन्दरताचेत रहेको पाइन्छ । डिजिटल मार्केटिङको जमाना छ । पहिला पहिला मेकअपलाई हामीकहाँ सामान्य रूपमा लिए पनि अहिलेको पुस्ताले यसको महत्व बुझेको छ । आजको समयमा सबैको स्मार्ट बन्ने चाहना त हुन्छ ।
पार्लर धेरै खुलेका छन्, अरूभन्दा के फरक छ फेसियल हाउस ?
फेसियल हाउसमा सबै वर्गका मानिसलाई सुविधा दिइरहेका छौँ हामीले । राम्रो ब्राण्डका प्रोडक्टले सेवा दिइरहेका छौँ । फेसियल हाउसले हङकङको प्रडक्टबाट फेसियल सेवा प्रदान गर्दै आइरहेको छ । सौन्दर्यसँग सम्बन्धित सम्पूर्ण सेवाहरू हामीले उपलब्ध गराउँदै आइरहेका छौँ । हामी हाम्रो सेवामा कुनै कम्प्रोमाइज गर्दैनौँ । पछिल्लो समय हाम्रो नाम कपी गर्ने क्रम बढेको पाइएको छ । फेसियल हाउसको नामको अगाडि वा पछाडि नाम जोडेर कपी गर्ने क्रम पनि बढेको हामीले पाएका छौँ । फेसियल हाउसको ब्राण्डप्रति नझुक्कीकन सम्पूर्ण सेवाग्राहीमा म आग्रह गर्दछु ।
कस्तो अनुहारमा कस्तो मेकअप जरुरी हुन्छ ?
मेकपअ धेरै प्रकारले गरिन्छ । कसैको स्किनमा दाग धब्बा छ भने त्यो छोप्नका लागि गरिन्छ । अनुहारमा केही पनि छैन भने पनि अनुहार राम्रो देखाउनका लागि गरिन्छ । अर्को रहृयो ओकेजन के हो र केका लागि गर्ने भन्ने हुन्छ । पार्टीमा जाँदै छौँ भने कस्तो खालको पार्टी हो भन्ने कुरा हुन्छ । डान्स पार्टी हो कि ? गेटटुगेदर पार्टी हो कि ? विवाहको पार्टी हो कि ? कस्तो पार्टी हो त्यसमा भरपर्छ मेकअप । ब्युटिसियनहरू छालाको हेरचाह गर्दा या सेवा दिने क्रममा केमिकलसँग पनि खेल्नुपर्ने र यो काम केही चुनौतीपूर्ण रहेको छ । सौन्दर्यविद्हरूले सीप सिकेर मात्र नहुने बरु नयाँ प्रविधिहरू पनि सिक्दै जानुपर्ने हुन्छ ।
मेकअप कति प्रकारका हुन्छन् ? छालाअनुसार फरक-फरक गरिन्छ मेकअप कि ?
मेकअपका धेरै प्रकार हुन्छन् । जस्तै सिम्पल मेकपअ, वाटरप्रुफ मेकअप, इभिनिङ, इकेजमेन्ट, थ्रिडी, एचडी, हरहर, ब्राइडल, ओलियन्सलगायत धेरै छन् । विभिन्न देशमा विभिन्न प्रकारले मेकअप गरिन्छ । छाला ड्राई, सेन्सटिभ, ओइली, कम्भिनेसन । सबै छालालाई फरक-फरक स्टाइलले मेकअप गर्नुपर्ने हुन्छ । कुनैमा म्याटवेसको प्राइमर लाग्छ भने कुनैमा ओएलवेसको प्राइमर लाग्छ त कुनैमा वाटरवेसको प्राइमर लाग्छ । फेरि कसैको स्किनलाई मस्च्वाजर चाइिन्छ भने कसैलाई चाहिँदैन ।
सफल हुनका लागि हिम्मत हार्न हुन्न भन्ने मेरो बुझाइ छ । जीवनमा चुनौतीहरू त आउँछन् तर ती चुनौतीसँग लड्दै अगाडि बढ्नुपर्छ । जीवनमा समस्याहरू आइरहन्छन्, तर डगमगाउनु हुँदैन । एकदिन संसारबाट जानु नै छ, आफ्नो कर्मलाई धर्म मान्दै अगाडि बढ्ने हो भने सबैका लागि राम्रो हुन्छ ।
कत्तिको चुनौती छन् यो क्षेत्रमा ?
पेसागत रूपमा म श्रमिक र ब्युटिसियन भएका कारण पहिला पहिला यो महिलाले गर्ने कार्य हो भनेर हेरिन्थ्यो । तर, अहिले परिस्थिति फरक छ । हरेक क्षेत्रमा चुनौती छ हुन्छन् नै । मेरो आफ्नो कुरा गर्नुहुन्छ भने मैले धेरै चुनौती पार गर्दै अहिलेको अवस्थामा पुग्न सफल भएकी छु । चुनौती पार गर्दै जानुपर्छ । मलाई विभिन्न केस पनि लगाउने कोसिस गरियो तर म ठिक थिएँ अघि बढिरहेँ । सुरुमा फेसियल हाउस सञ्चालन गर्दा केही अप्ठ्याराहरू त आएका थिए तर ती समस्यालाई समाधान गर्दै अगाडि बढेँ । जीवनमा जन्मेपछि मृत्यु निश्चित छ त्यसैले बाँचुन्जेल राम्रो कर्म गर्नुपर्छ भन्ने सोच ममा जहिल्यै रहन्छ । म आफैँ कुनै समय मृत्युको मुखमा पुगेर फर्केर आएको मान्छे हो, त्यसैले जस्तोसुकै काम गरे पनि त्यसलाई निरन्तरता दिनु र त्यसमा जोडतोडका साथ लाग्नुपर्छ जस्तो लाग्छ । आज फेसियल हाउसमा जति पनि सिक्न आउनुहुन्छ, उहाँहरूले देश तथा विदेशमा बसेर सौन्दर्य पेसालाई अँगाल्दै अगाडि बढिरहनु भएको छ । विगतमा धेरै उतारचढाव आए पनि मैले आफूलाई कहिल्यै ब्रेक लगाइन अघि बढिरहेँ ।
यहाँले सुर्खेत र पोखरामा पनि शाखा विस्तार गर्नुभएको छ, कस्तो छ बजार ?
पोखरावासीले हामीलाई एकदमै माया दिइरहनु भएको छ । राम्रो भइरहेको छ । म जाँदा पनि उहाँहरूले देखाउनुभएको माया ममता थप हौसला मिलेको छ । उहाँहरूले देखाउनुभएको मायाले गर्दा म पोखरालाई माया नगरी पनि भन्छु । पोखराको फेसियल हाउसलाई पोखरावासीले धेरै माया देखाउनुभएको छ । यस्तै, वीरेन्द्रनगर सुर्खेतको न्युरोडमा हाम्रो शाखा सञ्चालनमा छ । एकदमै राम्रो भइरहेको छ । फेसियल हाउस सौन्दर्य क्षेत्रमा स्थापित ब्राण्ड बनेको छ ।
यो क्षेत्रमा आउन चाहनेलाई के भन्नुहुन्छ ?
सबैभन्दा मुख्य कुरा भनेको सीप सिक्न जरुरी छ । यस क्षेत्रमा विस्तृत रूपमा लैजाऊँ भन्दा पनि राम्रो छ । सानै रूपमा लैजाऊँ भन्न पनि सकिन्छ । राम्रो छ, सिकेर आउनुहोस् भन्न चाहन्छु । प्रोफेसनल रूपमा नलगे पनि पार्ट टाइमका लागि पनि यो उपयोगी हुनसक्छ ।
योबाहेक तपाईंको रुचि ?
फेसियल हाउसमा पनि देख्न सक्नुहुन्छ । म नर्सरीमा रमाउन चाहन्छु । मलाई प्लान्टदेखि एकदमै लगाव छ ।
यो क्षेत्रमा लागेर के पाएँ के गुमाएँजस्तो लाग्छ ?
हामी मिहिनेत गर्छौं मिहिनेत गर्नेहरूले गुमाउँदैन । कहिले थोरै त कहिले धेरै हुन्छ । पसिना बगाएर पाएको सफलताले आनन्द दिन्छ । आफ्नो ब्राण्ड बनाएका छौँ, गुमाउनुभन्दा पनि पाएकै छाँै भन्ने लाग्छ ।
जीवन के हो ?
जीवन संघर्ष हो । संघर्षले नै सफलता दिलाउँछ ।
अन्त्यमा ?
हाम्रो देशमा सरकारले व्यवसायलाई बाँच्न दिने वातावरण दिएको छैन । यो वातावरण दिनुपर्छ । दिनरात हामिले मिहिनेत गररहेका हुन्छौँ तर सरकारले त्यस्तो देखेको पाइँदैन । व्यवसायीलाई व्यवसाय गर्ने वातावरण सरकारले दिलाउनुपर्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच