काठमाडौं । नबिल बैंकको बिहीबार काठमाडौंमा सम्पन्न ३९औँ वार्षिक साधारणसभाले ११ प्रतिशत लाभांश पारित गरेको छ । बैंक सञ्चालक समिति अध्यक्ष उपेन्द्रप्रसाद पौड्यालको अध्यक्षतामा बसेको सभाले सञ्चालक समितिअनुसार तथा नेपाल राष्ट्र बैंकको स्वीकृतिअनुसार आर्थिक वर्ष २०७९/०८० को मुनाफाबाट सेयरधनीलाई ११ प्रतिशत नगद लाभांश वितरण गर्ने प्रस्ताव पारित गरेको हो ।
बैंक आर्थिक वर्ष २०७९/०८० मा छ अर्ब ४० करोड मुनाफा गर्न सफल भएको थियो । अध्यक्ष पौड्यालले देशको अर्थतन्त्रको परिदृश्यलाई मध्यनजर गरेर बैंकले आफ्ना गतिविधि सञ्चालन गर्दै आएको बताउनुभयो । देशको अर्थतन्त्रको पछिल्ला परिदृश्यहरूलाई मध्यनजर गर्दै बैंकले नेपालको बैंकिङ क्षेत्रलाई आधुनिकीकरण गर्न, देशको व्यावसायिक एवं औद्योगिक गतिविधिलाई गतिशीलता प्रदान गर्न, देशमा रोजगारीका अवसर सिर्जना गर्न सहयोगी भूमिका खेल्दै आएको उहाँको भनाइ थियो ।
बैंकले सामाजिक उद्यमशीलता विकासका लागि नबिल सामाजिक उद्यमशीलता कार्यक्रम सञ्चालन गरेको छ । जसअन्तर्गत हालसम्म तीन सय ३५ विद्यार्थी सहभागी भएको र कार्यक्रमले ५२ वटा उद्यम जन्माएको, आठ सय ७२ जनाले रोजगारी पाएको अध्यक्ष पौड्यालले बताउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच