काठमाडौं । आईसीसी यू१९ विश्वकपको आफ्नो पहिलो खेलमा नेपाल न्युजिल्यान्डविरुद्ध ६४ रनले पराजित भएको छ । विश्वकपमा न्युजिल्यान्डविरुद्ध नेपालले पहिलो हार भोगेको हो । यसअघिका दुवै खेलमा नेपालले न्युजिल्यान्डलाई हराएको थियो ।
आइतबार भएको समूह ‘डी’ को आफ्नो पहिलो खेलमा नेपाल न्युजिल्यान्डसँग हार भोग्दै विश्वकपको सुरुवात गरेको छ ।
न्युजिल्यान्डले दिएको ३०३ रनको विशाल लक्ष्य पछ्याएको नेपालले निर्धारित ५० ओभरमा नौ विकेट गुमाएर २३८ रन बनायो ।
नेपालका लागि अर्जुन कुमाल शतक बनाउनबाट चुक्नुभयो । नेपालले आठौं विकेटका रुपमा ओपनर अर्जुन कुमाललाई गुमाएको थियो । १०४ बलमा १२ चौका हान्नुभएका अर्जुन ३७.२ ओभरमा ९० रन बनाउँदा क्याच आउट हुनुभयो ।
न्युजिल्यान्डविरुद्ध अर्जुनले बनाएको ९० रन नै सर्वाधिक रह्यो ।
कप्तान कप्तान देव खनाल ३६ रनमा क्याच आउट हुनुभयो । ३४ बलमा पाँच चौका र एक छक्का प्रहर गर्नुभएका देव क्याच आउट हुन पुग्नुभयो ।
सुरुआतमा नै दुई विकेट गुमाएको नेपालका लागि तेस्रो विकेटका लागि कप्तान देव र ओपनर अर्जुन कुमालले ५९ रनको साझेदारी गर्नुभयो । ओपनर दिपक बोहोरा शुन्य र आकाश त्रिपाटी दुई रनमा क्याच आउट हुनुभएको थियो ।
सुवास भण्डारी ३३ र तिलक भण्डारी १७ रनमा नटआउट रहनुभयो । आकाश चन्दले १४ रन थप्नुभयो ।
आशा गरिएका कप्तान देव खनाल र अनुभवी अलराउण्डर गुल्सन झा आजको खेलमा चल्न सक्नुभएन । देव र गुल्सन लामो सट खेल्ने धुनमा क्याच आउट हुन पुग्नुभयो । गुल्सन झा दुई रनमा क्याच आउट हुनुभयो ।
विकेट किपर उत्तम मगर शून्य रनमा आउट हुनुभयो ।
नेपाललाई रोक्न माट रोवेले तीन विकेट लिनुभयो । एवाल्ड ओस्कार ज्याक्सनले समान दुई विकेट लिनुभयो । मासोन क्लार्क, ओस्कार ज्याक्सन, ज्याक कुमिन्सले एक एक विकेट आफ्नो नाममा गर्नुभयो ।
त्यसअघि इष्ट लन्डनको बुफेलो पार्कमा न्युजिल्यान्डले टस जितेर ब्याटिङ गरेको न्युजिल्यान्डले निर्धारित ५० ओभरमा आठ विकेटको क्षतिमा ३)२ रनको विशाल योगफल तयार पारेको थियो ।
नेपालविरुद्ध स्नेहित रेड्डीले आक्रमक शतक पूरा गर्नुभयो । उहाँले १०६ बलमा आठ चौका र दुई छक्का हान्दै शतक पूरा गर्नुभएको थियो । रेड्डी १४७ रनमा नटआउट रहनुभयो । उहाँले १२५ बलमा ११ चौका र ६ छक्का प्रहार गर्नुभयो ।
चौथो विकेटका लागि ओस्कार र स्नेहित रेड्डीले १५७ रनको शतकीय साझेदारी गरेपछि नेपालले विशाल लक्ष्य पाएको हो ।
आकाशले ४२ औं ओभरको पाँचौं बलमा कप्तान ओस्कारलाई ७५ रनमा बोल्ड गर्दै साझेदारी तोडनुभएको थियो । ओस्कारले ८१ बलमा तीन चौका र पाँच छक्का हान्नुभयो ।
कप्तान ओस्कार ज्याक्सनले ७५ रन थप्नुभयो । ८१ बलमा तीन चौका र पाँच छक्का प्रहार गर्नुभएका ज्याक्सन आकाश त्रिपाठीको बलमा बोल्ड आउट हुनुभयो । ओपनर टम जोन्स ३३ रनमा तिलक भण्डारीको बलमा बोल्ड आउट हुनुभयो । अर्का ओपनर लुक वाटसन १४ रनमा सुवास भण्डारीको बलमा बोल्ड आउट हुँदै पवेलियन फर्कनुभयो । एलेक्स थोम्पसन सुवास भण्डारी कै बलमा १३ रनमा बोल्ड आउट हुनुभयो ।
ओलिभर तेवाटिया शून्यमै आउट हुनुभयो । जाक कुमिन्स गोल्डेन डकआउट हुनुभयो । लच्लन स्टु्याकपोल डकआउट हुनुभयो ।
नेपालका लागि सुवास भण्डारीले तीन विकेट लिनुभयो । उहाँले आफ्नो स्पेलमा ५३ रन खर्चनुभयो । गुल्सन झाले आफ्नो स्पेलमा ६१ रन खर्चेर दुई विकेट लिनुभयो ।
दिपेश कँडेल, तिलक भण्डारी र आकाश त्रिपाठीले समान एक विकेट आफ्नो नाममा गर्नुभयो । तिलकले आफ्नो स्पेलमा ५० रन खर्चेर एक विकेट लिनुभयो ।
नेपालले समूह चरणको दोस्रो खेलमा माघ १० गते पाकिस्तानसँग खेल्नेछ । समूह चरणको अन्तिम खेलमा १२ गते अफगानिस्तानसँग खेल्ने तालिका छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच