काठमाडौं । आगामी फागुन ११ गतेदेखि सिनेमाघरमा आउने तयारीमा रहेको चलचित्र ‘गोर्खा वारिअर’को ट्रेलर सार्वजनिक भएको छ । बिहीबार काठमाडौंमा पत्रकार सम्मेलन गर्दै मिलान चाम्स निर्देशित यो चलचित्रको ट्रेलर सार्वजनिक गरिएको हो । साढे दुई मिनेट लामो ट्रेलरमा वीरतापूर्वक गोर्खा सैनिकले लडेको लडाइँ र त्यसको सामाजिक आयामलाई प्रस्तुत गरिएको छ ।
कार्यक्रममा बोल्दै निर्देशक चाम्सले कलाकार सबै बराबर भएकाले सानो कलाकार भनेर कसैले हेप्न नहुने बताउनुभयो । उहाँले सानो कलाकारको सहयोग बिना कुनै पनि कलाकार सुपरस्टार बन्न नसक्ने जिकिर गर्नुभयो । सिनेमाले देशका सुरक्षा फोर्समा काम गर्ने सुरक्षाकर्मीलाई युद्ध कसरी गर्ने ? भनेर पनि सिकाउने उहाँको भनाइ थियो । उहाँले यस चलचित्रले साँच्चिकै कसरी युद्ध गर्ने भन्नेकुरा सिकाउने बताउनुभयो । संसारमै शाहसिक भनेर चिनिने गोर्खाली योद्धाको संघर्षमा आधारित ‘गोर्खा वारियर’ले उनीहरूको युद्धसँगै पारिवारिक कथालाई पर्दामार्फत विश्वका दर्शकमाझ पु¥याउने कथन निर्देशक चाम्सको छ ।
चलचित्रमा रितेश चाम्स, विजय लामा, रेबिका गुरुङ, शिशिर बाङ्देल, कविता आले, रियर राई, विरुप घलेको शीर्ष भूमिका छ । लण्डन प्रिमियरपछि नेपाली सिनेमाघरमा चलचित्र प्रदर्शन गर्न गर्न लागिएको हो । यो चलचित्रको हिन्दी संस्करणमा ‘केजिएफ’ फेम्ड सचिन गोलेले स्वरांकन गरिरहनुभएको छ ।
चलचित्र ‘गोर्खा वारियर’ अहिले चार भाषामा तयार भइरहेको छ । यो चलचित्रको नेपाली भर्सन तयार छ भने हिन्दी, अंग्रेजी र कोरियन भर्सन तयार गर्ने क्रम पनि अन्तिम चरणमा पुगेको निर्माणपक्षले जनाएको छ ।
दोस्रो विश्वयुद्धको क्रममा सन् १९४९ मा भएको मलाया युद्धमा गोर्खा सैनिकले लडेको वीरतापूर्ण लडाइँको कथा र यसको सामाजिक आयामलाई चलचित्रमा चित्रण गरिएको छ । चलचित्रको निर्मातामा सुमन राई र सुस्मिता वाइबा हुनुहुन्छ । लण्डन सिनेआई प्रोडक्सनको प्रस्तुतिमा चाम्स इन्टरटेनमेन्टले चलचित्र निर्माण गरेको हो । चलचित्रलाई नेपालमा श्री बेंकेटेस फिल्मस्का मनोज राठी र उज्ज्वल पौडेलले नेपालमा बितरण गर्दै हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच