धरान । नेपाल नम्बर १ प्रो शुक्रबहादुर राई र उहाँको टिमले ७०-पारको धरान गल्फ क्लबमा भएको सूर्य नेपाल इस्टर्न ओपन प्रो-एमको उपाधि जितेको छ । विजेता टिममा एमेच्योर गल्फरहरू लेफ्टिनेन्ट कर्णेल दिनेश बानियाँ, मिलन याखा र कवि थापासँग शुक्र ड्रमा पर्नुभएको हो । दिनेशले ४० तथा मिलन र कविले ३९ अंकसहित कुल ११८ को स्कोरमा यो टिमले पहिलो स्थान हात पारेको हो ।
प्रो राजेन राई र एमेच्योर श्याम तामाङ, दिवस तुलाधर र सुनिल कार्कीले कुल ११० अंकका साथ दोस्रो स्थान हात पार्नुभयो । श्यामले ३९, दिवसले ३६ र सुनिलले ब्याकमा ३५ अंक जोड्नुभयो । प्रो भुवन नगरकोटी तथा एमेच्योर अर्जुन सुनुवार, भटराज गुरुङ र युवराज तामाङ तेस्रो हुनुभयो । तेस्रो हुने टिमले कुल १०५ अंक बनाएको थियो । १०५ अंक जोड्ने क्रममा तीनैजना एमेच्योर गल्फरले समान ३५÷३५ अंक जोड्नुभयो ।
महिलातर्फ सुष्मा सिंहले ३४ अंक जोडेर उत्कृष्ट व्यक्तिगत अवार्ड हात पार्नुभयो । लङगेष्ट ड्राइभको उपाधि प्राकृत तामाङ र क्लोजेष्ट टु दी पिनको उपाधि मेजर आदित्यप्रताप सिंहले प्राप्त गर्नुभयो ।
शुक्रबार सम्पन्न सूर्य नेपाल इस्टर्न ओपनका शीर्ष ६ प्रो गल्फरलाई ड्रमा राखिएको थियो र नेपाल नम्बर १ प्रो शुक्रले शीर्ष तीन टोलीका लागि चिठ्ठा निकाल्नुभएको थियो । एमेच्योरतर्फ तीन उत्कृष्ट स्कोर गरेका गल्फर पहिलो हुने टोलीमा थिए । यस्तै, चौथो, पाँचौँ र छैटौँ एमेच्योर उपविजेता टोलीमा हुँदा तेस्रो हुने टिममा सातौंँ, आठौँ र नवौँ स्थानमा रहेका एमेच्योर गल्फरहरू थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच