काठमाडौं । स्वर्गीय ललितजंग सिजापतिको जीवनीमा आधारित भएर लेखिएको पुस्तक ‘बहुआयामिक व्यक्तित्व ललितजंग सिजापति’ लोकार्पण गरिएको छ । प्रा.डा.गोेविन्दमानसिंह कार्कीद्वारा लिखित उक्त पुस्तक प्रमुख अथिति एवं पूर्वउपप्रधानमन्त्री तथा प्रतिनिधिसभा सदस्य प्रकाशमान सिंहले काठमाडौंमा एक कार्यक्रमबीच लोकार्पण गर्नुभएको हो ।
लोकार्पित पुस्तकमा सिजापति थरको ऐतिहासिकता, ललितजंग सिजापति, राजनीतिक सक्रियता, सर्जकको रूपमा ललितजंगको स्मृतिमा भएका कार्यहरू, सन्दर्भ सामग्री र परिशिष्ट सातवटा समाविष्ट छन् ।
सोही कार्यक्रममा शताब्दी पुरुष डा.गौरिशंकरलाल दासलाई अभिनन्द गरिएको थियो । कार्यक्रममा विशिष्ठ अथिति प्रा.डा.त्रिरत्न मानन्धर, बागमती प्रदेशका सांसद दीपेन्द्र श्रेष्ठ, इतिहासविद तथा प्राज्ञ दिनेशराज पन्त, प्राध्यापक हेमन्त शम्शेर राणा, डा.राजाराम सुवेदी, डा.गोविन्दमान सिंह कार्की, साहित्यकारहरू राधेश्याम लेकाली, ओम श्रेष्ठ, कलाकार मदनदास श्रेष्ठलगायत विशिष्ठ व्यक्तिहरूको उपस्थिति थियो ।
स्वर्गीय ललितजंग सिजापतिकी कान्छी सुपुत्री श्रीमती अम्बिका सिजापति केसीले समारोहको संयोजन गर्नुभएको थियो भने कार्यक्रमको सभापतित्व प्रा.डा.उपरथी बच्चुराम के.सीले गर्नुभएको थियो । साहित्य, इतिहास, पत्रकारितामा योगदान गर्नुभएका सिजापतिका दुई दर्जन कृतिहरू प्रकाशित रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच