भोजपुर । राष्ट्रिय प्रजातन्त्र दिवसका अवसरमा राष्ट्रिय युवा संघ नेपाल भोजपुरको आयोजनामा भएको खुला ‘बी’ डिभिजनस्तरीय खुला ब्याडमिन्टन प्रतियोगिताको उपाधि सुरज राना मगरको टिमले जितेको छ । बुधबार भएको फाइनल प्रतियोगितामा चन्दन कटुवाल र मुमिहाङ राईको टिमलाई हराउँदै सुरज र खगेन्द्र राईको टिम विजेता बनेको हो ।
राष्ट्रिय युवा संघ नेपाल केन्द्रीय कमिटीले फागुन ११ गतेबाट ‘दोस्रो केपी ओली कप’ फुटबल सञ्चालन गर्ने सन्दर्भलाई लक्षित गर्दै जिल्ला कमिटी भोजपुरले फागुन ७ गतेबाट ‘बी’ डिभिजनस्तरीय ब्याडमिन्टन प्रतियोगिता आयोजना गरेको थियो ।
प्रतियोगितामा विजेता टिमले नगद २२ हजार २२२, ट्रफी, मेडल र प्रमाणपत्र पाएको छ भने उपविजेता बनेको टिमले नगद ११ हजार १११ को साथमा ट्रफी, मेडल र प्रमाणपत्र पाएको आयोजक युवा संघ नेपालका भोजपुर इन्चार्ज ज्ञानेन्द्र राईले बताउनुभयो । सदरमुकाममा रहेको कर्भडहलमा सञ्चालन भएको प्रतियोगितामा १९ टिमको सहभागिता थियो ।
प्रतियोगिता समापन समारोहमा भोजपुरबाट ब्याडमिन्टनका राष्ट्रिय तथा अन्तर्राष्ट्रिय प्रतियोगितामा भाग लिएका ख्यातिप्राप्त खेलाडीसहित १४ जनालाई युवा संघले सम्मानसमेत गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच