काठमाडौं । एनआइसी एसिया लघुवित्त वित्तीय संस्थाले माघ महिनामा कोशीदेखि सुदूरपश्चिम प्रदेशका विभिन्न जिल्लाका शाखा अमहीबेल्हा, गञ्जभवानीपुर, लक्ष्मीनीया, सखडा, कविलास, पाँचखाल, मिर्मी, सिरुबारी, चप्परगौडी, खजुरा, सानोश्री, बागचौर, छायाँक्षेत्र, बेलौरी, लालझण्डी, लम्कीचुहा र पाटनमार्फत् वित्तीय साक्षरता कार्यक्रम सम्पन्न गरेको छ ।
हालको परिस्थिति मध्यनजर गरी स्थानीय जनप्रतिनिधिको उपस्थितिमा संस्थामा आबद्ध सदस्य तथा गैरसदस्यलाई दैनिक आम्दानी तथा खर्चको विश्लेषण, वित्तीय सेवासम्बन्धी ज्ञान, भविष्यका लागि बचतको आवश्यकता, बचत गर्ने तरिका, कर्जाको सही सदुपयोग गर्ने तरिका, व्यवसाय व्यवस्थापन जस्ता विषय समेटेर कार्यक्रम सञ्चालन गरिएको संस्थाले जनाएको छ ।
कार्यक्रमबाट कर्जाको सदुपयोग कसरी गर्ने, कर्जा लिएर कस्तो प्रकारको व्यवसाय गर्ने, कसरी आम्दानी बढाउने, बचत कसरी बढाउने र खर्च कसरी कम गर्न सकिन्छ भन्ने विषयमा विशेष ज्ञान हासिल भएको सहभागीले बताएका छन् । कार्यक्रम भएका शाखाका कार्यक्षेत्रभित्रका करिब १३ सय जना स्थानीयवासीको उपस्थिति रहेको संंस्थाले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच