काठमाडौं । उपभोक्ता हक हित तथा सचेतना सम्बन्धी अन्तरक्रिया कार्यक्रम सम्पन्न गरिएको छ । उपभोक्ता मञ्च नेपालले शुक्रबार ४२औं विश्व उपभोक्ता अधिकार दिवसको अवसरमा उक्त कार्यक्रमको अयोजना गरेको हो । मञ्चको केन्द्रीय कार्यालय भृकुटी मण्डप, प्रदर्शनी मार्गमा राष्ट्रिय मानव अधिकारका आयुक्त मिहिर ठाकुरको प्रमुख आतिथ्य तथा उपभोक्ता मञ्च नेपालको केन्द्रीय महासचिव सत्रुघनप्रसाद देवको सभापतित्वमा ‘उपभोक्ता हक हित तथा सचेतना’ सम्बन्धि अन्तरक्रिया कार्यक्रमको आयोजना गरिएको थियो ।
कार्यक्रममा प्रमुख आतिथ्य ठाकुर, पुर्वमन्त्री बद्री बस्नेत, संस्था का केन्द्रीय सचिव शम्भु साह, कोषाध्यक्ष डिल्लिराम ढकाल, केन्द्रय सदस्य ऋषिराज गौतम, तथा नगर कमिटी अध्यक्ष निमा लामा लगायतका वक्ताहरूले उपभोक्ता हकहित अधिकार संरक्षण, बढ्दो महंगी एवं कालाबजारी नियन्त्रण तथा नेपाल सरकारले अबिलम्ब उपभोक्ता अदालत गठन गर्नुपर्ने आवश्यकता रहेको सम्बन्धमा आ–आफ्ना धारणा राख्नुभएको थियो ।
उपभोक्ता मञ्च नेपालको केन्द्रीय प्रवक्ता उज्वलराज गौतमले कार्यक्रमको सहजिकरण गर्नुभएको थियो । शुक्रबार नै उपभोक्ता मञ्च नेपालले नेपालमा उपभोक्ता अदालत गठन गर्नुपर्ने र उपभोक्ता मुखि अन्य बिभिन्न मागहरू राख्दै केन्द्रमा प्रधानमन्त्रीको कार्यालयमा र संस्थाको ७७ वटै जिल्ला कमिटीले प्रमुख जिल्ला अधिकारी, जिल्ला प्रशासन कार्यालयमार्फत प्रधानमन्त्रीको कार्यालयमा ज्ञापनपत्र बुझाएको केन्द्रीय प्रवक्ता
गौतमले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच