चितवन । प्रथम भरतपुर फुटबल च्याम्पियनसिपको उपाधि २८ बिघाले जितेको छ । सम्पन्न फाइनल खेलमा आँबुखैरेनीलाई हराउँदै २८ बिघाले उपाधि चुमेको हो । फाइनल खेलमा २८ बिघाले आँबुखैरेनीलाई २-० गोलले हरायो ।
२८ बिघाको जितमा सिर्जन क्षेत्री र लक्षु थापाले गोल गर्नुभयो । खेलको ५३औँ मिनेटमा २८ बिघाले सिर्जनको गोलमा अग्रता लिएको थियो । खेलको ७७औँ मिनेटमा आँबुखैरेनी नौ खेलाडीमा सीमित भयो । देव गुरुङले दोहोरो पहेँलो कार्ड पाउनुभयो भने सौगातप्रताप गुरुङले रातो कार्ड पाउनुभयो । २८ बिघा पनि १० खेलाडीमा सीमित भयो । उसका सुजित बुढाथोकीले रातो कार्ड पाउनुभयो ।
आँबुखैरेनी नौ खेलाडीमा सीमित भएको फाइदा उठाउँदै २८ बिघाले गोल थप्यो । खेलको अतिरिक्त समयमा सिर्जनको एसिस्टमा लक्षुले गोल गरेपछि २८ बिघा दुई-शून्यले विजयी हुँदै च्याम्पियन बन्यो । एक गोल र एउटा गोलका लागि एसिस्ट गर्नुभएका सिर्जन प्लेयर अफ दी म्याच हुनुभयो । विजेता २८ बिघाले तीन लाख तीन हजार रुपैयाँ प्राप्त गरेको छ । उपविजेता आँबुखैरेनीले एक लाख ५० हजार रुपैयाँ प्राप्त गर्यो ।
आँबुखैरेनीका आकाश थापा प्रतियोगिताको उत्कृष्ट खेलाडी घोषित हुनुभयो । २८ बिघाका रञ्जित चौधरी उत्कृष्ट डिफेण्डर तथा सोही क्लबका गोलकिपर वीरेन्द्र सारुमगर उत्कृष्ट गोलकिपर बन्नुभयो । उहाँहरूले जनही पाँच-पाँच हजार र चौकीडाँँडाबाट प्याराग्लाइडिङको अवसर प्राप्त गर्नुभएको छ । भरतपुर भ्रमण वर्ष २०२४ का अवसरमा चितवन ११ फुटबल क्लबले आयोजना गरेको प्रतियोगितामा १२ टोली सहभागी थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच