काठमाडौं । नेपाल क्रिकेट संघ (क्यान)ले आयरल्याण्ड ‘ए’ सँग खेल्ने नेपाल ‘ए’ टोलीको घोषणा गरेको छ । कीर्तिपुरस्थित त्रिवि क्रिकेट मैदानमा हुने टी-२० र एकदिवसीय शृंखलाका लागि क्यानले आइतबार विनोद भण्डारीको कप्तानीमा दुई फरक टोलीको घोषणा गरेको हो । शृंखलाअन्तर्गत सिनियर टोलीले आयरल्याण्ड ‘ए’ सँग चैत १२ र १३ गते टी-२० खेल खेल्नेछ । त्यसपछि नेपाल ‘ए’ टोलीले आयरल्याण्डसँग खेल्नेछ । नेपाल ‘ए’ ले आयरल्याण्डसँग १५, १६ र १८ गते तीन खेलको एकदिवसीय खेल खेल्नेछ ।
त्यसपछि टी-२० शृंखला हुनेछ । पहिलो टी-२० खेल चैत २१, दोस्रो खेल चैत २३ र अन्तिम खेल २५ गते हुने खेलतालिका रहेको छ ।
घोषित नेपाली टी-२० टोलीमा कप्तान विनोदसँगै लोकेश बम, देव खनाल, पवन सर्राफ, किरण ठगुन्ना, आरिफ शेख, अर्जुन घर्ती, नारायण जोशी, बसिर अहमद, राशिद खान रहनुभएको छ । यस्तै, सागर ढकाल, विपिन खत्री, कमलसिंह ऐरी, हेमन्त धामी र विकास आग्री पनि उक्त टोलीमा समावेश हुनुहुन्छ ।
एकदिवसीय टोलीमा विनोदसँगै देव, आरिफ, बसिर, कमल र विकास दोहोरिनुभएको छ भने अर्जुन कुमाल, नरेन भट्ट, भीम सार्की, साहब आलम, रञ्जित कुमार, रूपेश सिंह, रिजन ढकाल र मौसम ढकाल थपिनुभएको छ ।
यसै सिरिजमार्फत् मध्यम गतिका बलर कमलसिंह ऐरीले दुई वर्षपछि नेपाली टोलीमा पुनरागमन गर्नुभएको छ । अन्तिम पटक उहाँले सिनियर टोलीबाट २०७८ चैतमा पपुवा न्यूगिनी, मलेसिया र नेपाल सम्मिलित त्रिदेशीय टी-२० आई शृंखला खेल्नुभएको थियो । मलेसियासँग भएको खेलमा फिल्डिङका दौरान कुमको हड्डीमा चोट लागेपछि टोलीबाट अलग हुनुभएका उहाँले पुनरागमन गर्नुभएको हो ।
फ्लड लाइटको बोलपत्र रद्द
राष्ट्रिय खेलकुद परिषद् (राखेप)ले त्रिवि अन्तर्राष्ट्रिय क्रिकेट मैदानमा ‘फ्लड लाइट’ जडान गर्न आहृवान गरेको बोलपत्र रद्द गरेको छ । राखेपले साउन १७ गते ‘फ्लड लाइट’ जडानका लागि बोलपत्र आहृवान गरेको थियो । तर, निर्माण कम्पनी छनोटका क्रममा देखिएको विवादका कारण उक्त बोलपत्र रद्द गरिएको हो ।
‘राष्ट्रिय खेलकुद परिषदद्वारा कीर्तिपुरस्थित क्रिकेट खेल मैदानमा आइसिबी/इपिसी/एफएलडी डट एआइटी/२१.२३३/८०/८१ टियूमा फ्लड लाइटको आपूर्ति र स्थापना क्रिकेट मैदानसम्बन्धी बोलपत्र मिति २०८०/१७ मा मागमा बोलपत्र मिति २०८० १२/०८ निर्णयअनुसार बोलपत्र रद्द गरिएको हुँदा सम्बन्धित सबैका लागि यो सूचना जारी गरिएको छ,’ राखेपको सूचनामा भनिएको छ ।
फ्लड लाइट हाल्ने ठेक्का एमएसआइपिएल-एएससी पावर जेभीले पाएको थियो । एमएसआइपिएलले उक्त ठेक्का २७ करोड ४ लाख २ हजार २२ रुपैयाँमा पाएको थियो । पहिलोपटक खोलेको बोलपत्रमा कुनै पनि कम्पनीले चासो नदेखाएपछि राखेपले दोस्रोपटक बोलपत्र आहृवान गर्दै गत मंसिरमा एमएसआइपिएललाई छनोट गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच