काठमाडौं । मोडल तथा कलाकार एन जेड सालु अभिनित नयाँ गीतको भिडियो ‘लुकी लुकी’ सार्वजनिक भएको छ । भिडियो सालुको अफिसियल युट्युब च्यानलमार्फत सार्वजनिक भएको हो ।
महानायक राजेश हमालको जोडीको रूपमा देखिनुभएकी सालुलाई गीतको भिडियोमा महानायक हमालसँग निकै आकर्षक तरिकाले प्रस्तुत गर्नुभएको छ निर्देशक मौसम हिमालीले । हरि गिरी विमर्शी र बबिना किराँतीको स्वर रहेको उक्त गीतको लय र शब्द गायक स्वयं विमर्शीकै छ । नवराज उप्रेतीको छायांकन रहेको भिडियोमा मनोज कार्कीको सम्पादनेछ ।
सालुका केही म्युजिक भिडियो सार्वजनिक हुने क्रममा छन् । सुरेश लामा र अञ्जु पन्तको स्वर रहेको ‘वाचा भयो’, स्वरूपराज आचार्यको स्वरमा रहेको ‘सिन्दुर पोते’, मेलिना राई र सुमन केसीको ‘तिमी छौ र’, हरि गिरी विमर्शीकै ‘स्यानी माया’ साथै सालुकै शब्द, संगीत र स्वरमा रहेको गीतसमेत दर्शक श्रोताले हेर्न र सुन्न पाउने भएका छन् ।
दर्जनौं गीतका भिडियो मा अभिनय र नृत्य कलाले परिचित सालुले संगीतका विविध विधामा आफूलाई प्रस्तुत गर्ने क्रममा अब गायिकाको परिचय बनाउँदै हुनुहुन्छ । यसै वर्ष सगरमाथा म्युजिक अवार्ड र रारा राष्ट्रिय म्युजिक अवार्डमा सर्वोत्कृष्ट लोकदोहोरी महिला मोडलको अवार्डसमेत उहाँले आफ्नो पोल्टामा पार्न सफल हुनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच