काठमाडौं । नबिल बैंकले वित्तीय साक्षरता अभिवृद्धि गर्न सातै प्रदेश केन्द्रित देशव्यापी कार्यक्रम गरेको छ । वित्तीय साक्षरता अभिवृद्धि गर्न हरेक पटक नयाँ-नयाँ कार्यक्रम अघि सार्दै आएको बैंकले ग्लोबल मनि विक २०२४ का अवसरमा युवा र विद्यार्थी केन्द्रित कार्यक्रम गरेको हो । देशका सातै प्रदेशमा १९ सयभन्दा बढी विद्यार्थीमाझ वित्तीय साक्षरता अभिवृद्धि गर्ने कार्यक्रम सञ्चालन गरिएको बैंकले जनाएको छ ।
नबिल बैंकले युवाहरूलाई सानैदेखि आर्थिकरूपमा सचेत गराउनुपर्छ र त्यसका लागि राम्रो वित्तीय ज्ञान दिन जरुरी छ भन्ने ध्येयले जागरूकता अभियान सञ्चालन गर्दै आएको छ । ग्लोबल मनि विकका अवसरमा सञ्चालित कार्यक्रममा बचत, बजेटिङ, लगानी, डिजिटल वित्तीय साक्षरता, साइबर सुरक्षालगायतका विषयमा विद्यार्थीलाई जानकारी गराइएको बैंकले जनाएको छ ।
वित्तीय साक्षरता प्रोत्साहित गर्न देशभरका विभिन्न शैक्षिक संस्थामा नबिल बैंकका शाखाहरूले आयोजना गरेको कार्यक्रममा कोशी प्रदेशका छ सय ७३ भन्दा बढी विद्यार्थीको सहभागिता थियो भने मधेश प्रदेशका दुई सय २०, बागमती प्रदेशका विभिन्न कलेजका चार सय २५ भन्दा बढी विद्यार्थीको सहभागिता रहेको थियो ।
त्यस्तै, नेपाल बैंकर्स संघ चितवनले आयोजना गरेको वित्तीय साक्षरतासम्बन्धी ¥यालीमा पनि बैंकले सहभागिता जनाएको थियो, जसमा करिब तीन सयजना बैंकर्सका साथै सर्वसाधारणको सहभागिता थियो । लुम्बिनी प्रदेशका एक सय ३५ र सुदूरपश्चिम प्रदेशका एक सय २०, कर्णाली प्रदेशका करिब दुई सय ४० विद्यार्थी कार्यक्रमबाट लाभान्वित भएका बैंकले जनाएको छ ।
गण्डकी प्रदेशमा भने फरक शैलीबाट कार्यक्रम गरिएको थियो । पोखरा शाखाले लोफा पोखरासँगको सहकार्यमा वित्तीय साक्षरता विषयमा चित्रकला प्रतियोगिता गरेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच