भक्तपुर । पूर्वाञ्चल विश्वविद्यालयको सम्बन्धन प्राप्त एक्मी इञ्जिनियरिङ कलेजका विद्यार्थीले भक्तपुरस्थित नेपाल इको प्यानलको अवलोकन भ्रमण गरेका छन् । कलेजमा बिई सिभिल पहिलो वर्षमा अध्ययनरत विद्यार्थी सिभिल इञ्जिनियरिङ मेटेरिअल विषयअन्तर्गतको व्यावहारिक ज्ञानका लागि फिल्ड भिजट गरेका हुन् । टोलीमा दुई शिक्षक तथा ४५ विद्यार्थी रहेका थिए ।
उनीहरूलाई फ्याक्टी म्यानेजर सुजन सुजखूले नेपाल इको प्यानलका विभिन्न विशेषता डेमोस्टेसन गरेर देखाउनुभएको थियो । वैकल्पिक निर्माण सामग्रीका रूपमा नेपालमा आएको भूकम्प प्रतिरोधी र वातावरणमैत्री निर्माण सामग्रीबारे जानकारी दिलाउन इञ्जिनियरिङका विद्यार्थीलाई नेपाल इको प्यानलमा भ्रमण गराएको एक्मी इञ्जिनियरिङ कलेजका भाइस प्रिन्सिपल पारिश्वर आचार्यले बताउनुभयो ।
नेपाल इको प्यानलका प्रमुख कार्यकारी अधिकृत कृष्णभक्त दुवालले नेपाल इको प्यानल एउटा फ्याक्टीमात्रै नभई वैकल्पिक निर्माण सामग्रीको अध्ययन अनुसन्धान थलोका रूपमा विकास गर्दै लाने उद्देश्यले विभिन्न समयमा विद्यार्थीलाई भ्रमण गराउँंदै आएको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच